22-02-2007, 10:14 صباحاً
|
#1 |
| ام الفوارس
تاريخ التسجيل : Nov 2006 الجنس : أنثى عدد النقاط : 4735
المشاركات: 323
|  98299829 الحواووووشي المصري من مطبخي وبالصور 98299829
98299829 الحواووووشي المصري من مطبخي وبالصور 98299829
♥♥ بسم الله الرحمن الرحيم ♥♥
♥♥ الحواووووشي البلدي من مطبخ .. الوردة الحمرا والله وبالصور ♥♥
النهاردة يا جماعة دخلت مطبخنا
وعملت ايه بقى حواووووشي بلدي
لكن ما قلوكوش طلع رووووووووعة
عموما انا عارفاكم عاوزيني ااقولكم عملته ازاي طبعا
اهي المقادير :
نصف ك لحمة ( بتلو - كندوز مش هتفرق يا اخوانا )
بصلة متوسطة او كبيرة شوية
1 حبة طماطم
فلفل رومي او حار ( حسب الرغبة طبعا في الشطشطة )
المحبشات بقى
ملح / فلفل / بهارات / كاري / شوية صغيرين من الزعتر
واهم حاجة بقى الوقتي الليه ( دهن ضاني يعني ) حوالي 100 جرام
خبز بلدي ايوة بلدي هو يحلي الا بالعيش البلدي
وطبعا زيت ... وورق ابيض لزوم لف الحواووشي
الطريقة بقى :
نجيب البصلة ونفرمها جااااااااااامد اوي ناعم يعني باي طريقة
بالمبشرة بالكبة ... المهم فرم ناعم
بعد كده نحط معاها البهارات ( المحبشات )
ونضيف وراها اثناء الفرم الفلفل الاخضر بقى والطمام والليه ( الدهن الضاني ) واخيرا اللحمة
بس كده اصبح عندنا كله تومام
نأتي بالعيش ونأخذ قطعة من اللحم ونفردها بالداخل فرد متساوي
ندهن من اعلى واسفل الرغيف بالزيت وبعدين دوغرررررري نلفه بقى في الورق الابيض
وندخلة الفرن لمدة 40 دقيقة او اكتر 10 دقائق
يتخلل هذه العملية تقليب للحواوووووشي على الوجهين
بس كده
يطلع يبقى كده ملفوف بورقه كده
ونقدمه مع شوية مخلل عظمة .. وكمان سلطة طحينة وشوية بطاطس محمرة برضة كده يعني
والف هنا
يارب تدعولي وما تدعوش عليا
تم بحمد الله من مطبخ الوردة الحمرا |
|  |