السلام عليــــكم ورحمة الله وبركــــاااتـه
شلونـكم اخواني اخواتي شخباركم ان شاءاللـه بخيــررر
انا جديـد هنا وجـاي على شان غـرض اخـلصه وامشي والحمـداللـه خلصت مهمتـي وماشي
لاكن اهنيـكم على المنتدى الاكثر من رائع والاعضاء الرائعيـن بمعاملتهم ومواضيعـهم والف مبـروك عليكم تجمعكم وصداقتـكم وكـل شي بينـكم وجعـله مايتغيـر عليـكم ومن حسن لاحسن <_( اخوان توم مصاريا
اليوم جايب لكم قصيده من كتابتي سبب وضعها لي هنا هو بعض الضروف الي حدتني على هالشي واتمنى انها تحوز على رضاكم وتعجبكم وبالذات الي فبـالي <_( لـحد يسئل من بالك
اتمنى انها تحوز على رضاكـم واستحســـانـكم...... اخليكم مـع القصيـــده
قال وشلون قلبك !! قلت في ذمة الله ..قلبي مات وتكفّن !! واندفن في ثراك
يعني قلبي يهمك !! وانت دايم تذلّه ..روح ربي حسيبك !! وايغفر لك خطاك
نبضي اللي يحسك جفّت عروق فلّه..صدق ما عدت اشعر بالمشاعر معاك
عقب ما كنت روحي صرت للروح علّه..تبت حبّك وتبتك !! علم قلته وجــاك
انسى انسان ذابك يوم ما كنت كلّه..يوم كان يتغنّى في قصـايد هــواك
ما انكر انّي احبّك حـب خـلٍ لخلّه..لكن الجرح ضيّع في ضلوعي غلاك
ما بقى غير دمعي استثيره واهلّه..يمكن ارتاح لحظه! لا بكيت وبكاك
خيّم الحزن فيني كنّي غادي محلّه..كل ما قلت ابرحل! قال راحــل وراك
ليش من بد غيري سيف حزني أسلّه..ليت ما كنت شاعر يحترق في رجاك
خاف من رب فوقك فك قيدي وحـلّه..ما اذكر اني ظلمتك كنت ادور رضاك
كنت لا شفت منّك يا منى الوجد زلّه..قلت ذا الذنب ذنبي كل نايـف فداك
كنت احبك مشاعر ما تبي أي أدلّه..فيه برهـان واضح غير عمري لقاك؟
الوكاد المشاعر كاس والجـرح دلـّه..قهوني من جروحك سم مبغي دواك
واترك القلب عنّك قلبي في ذمة الله...مات مات وتكفّن واندفن في ثـراك