في طفولتنا تذكرين
بنيتلك قلعه من طين
رسمة حرفك على الجدران
هنا عرشك يكون
يوما نكبر تشوفين
اذكر لعبنا
رميتي برجلك قلبي المرسوم
صدفه وانتي ماتشعرين
هل ياترى تذكرين ؟؟
تذكري يوم قلت احبك
تذكري وقتها قلتي لامك
قالت وش ذالكلام ؟
اشبك ؟ وش تقول ؟
كنت احبك بينهم كلهم
من يومي صغير
ايام والجاره ماتخشى من الجار
ياحلوه زمنا في طفولتنا
كنت انتظر نجيكم او تجون
كنت افرح وانتي تفرحين
دار الزمن وانتي تكبرين
وانا اكبر والزمن دوار
دار الزمن وبدورته طول
رحتي وراحت ذيك الليالي
كبرتي وكبر قلبك
كبر واظنه تعداني
وش اللي صار ؟؟
ماادري اقدار !!
والزمن كله اقدار
بالنسبه لك وش اصير ؟؟
مجرد ذكرى طفوله
وانتي وش اقول ؟
حب من الطفوله
الله يسعدك وين رحتي
وانا هناك اتركيني
اتركيني عند قلعة الطين
في طفولتنا لوتعلمنا
ان الزمن اقدار