اول قصيده لي هنا في
همس القوافي
اليكمـ
نزف اردت ان
اقوله لكمـ
تعبت ادور في ليلي عن فتات الرقاد = السهر عايش بعيني يصحيها لو غفت
الأرق هد حيلي يسايرني في كل واد = الشعـر شاب فيني من هموم ٍ طغت
العمر من كثر ما أعلن مراسيم الحداد = ملت جروحي عزاها من كثر ما بكت
جيت ابوصف علةٍ عاشها بعض العباد = سالت دموع عيني ثم خافت و جزعت
الصحاري كم تمنت واحةٍ لأجل زاد = الرمال زادت عطشها غير شوكٍ ماجنت
والرجال اللي طبعها صعب ينهان ويقاد = انتهوا تحت الغرايز بس في قله بقت
وحرمةٍ غضت بصرها ابعدت عن الفساد= الزمن خان بشرفها و الا هي ما خطت
و الفقير مـر عيده و انتهى ولا استفاد = عاشت اطفاله تناظر شنو حسرتها شرت
و العروس اللي فرحها زينه ثوب السواد = حتى في ليلة عمرها بالهديه ما فرحت
والقلوب اللي تهنت بالسعاده و الوداد = قلبت الدنيا عليها تبغى تفرح ما قدرت
نحسب ان الامر هين والفرح سهل المراد = نعتب قلوب ٍ حزينه من مدامعها سكرت
بسمةٍ عانقت ثغري كلها زيف و نكاد = ابتسم لأجل اجامل ضحكة لعيوني سرت
كيف يبرى نزف جرح ٍ ماله اية ضماد = كيف يهنى من عيونه منها الراحه رحلت
الزمن يهدي مآسي لكل واحد بالـركاد = حتى الملوك بكبرها جاء لها وقت و شقت
[align=center]
أهــات الرحيـل[/align]