[align=center]
مســـاء الورد والياسميـن للغالين
تفضلــــــوووا ..
وعدك متى ؟ في الصيف ولا الشتا ؟
انا على الوعد القديم على رصيف الوقت
لاقلت باكر صار امس وتمر بي شمس وشمس
أرعى قمر... ليل وقمر...على شط البحر اكتب حروفي نثر وشعر
راح البحر يمحي السطر... انشدك علمني إنت وعدك متى ؟
.. / ..
ابعد وخلني في حياتي انا حر
وكثر ماتقدر عن حياتي تبعد
مابيك حتى في خيالي انا تمر
ومابي اشوفك في طريقي تردد
لاتطرح الموضوع كل ساعه وتصر
بينك وبيني الهوى مايتجدد
ابيك ترحل عن حياتي وتهجر
يمكن مع الوقت على بعدي تتعود
.. / ..
في غيبتك أعاني أناالحرمان
وأختصر لك معنى الحرمان
هي سحابة صيف وسراب وطوفان
تصورغيابك في ظلمة الحيران ؟
.. / ..
ودعتني في يوم ما مثله أبد
صورت لي بعينك لوحات الوداع
رسمتها بألوان من هم ونكد
والهجر صوته من ورى صورتك ذاع
ياللي أحبك حب ما حبه أحد
تركتني وفي داخل النفس التياع
ماهقيت إنك بتهديني السهد
وماهقيت إنك بتهديني الضياع
.. / ..
ياهيـه لا تقتـل بـوادر طمـوحـي
يكفي ترى مـا عـاد فـي احتمالـي
جيتك خطير القلب تنزف جروحـي
جرح الفراق وجرح سـود الليالـي
طيبك حنانك يبعـد حـزون روحـي
وعزف السعاده بـك يـرد الامانـي
لا تصيرفي عطفك بخيل وشحوحـي
بـدد شعورالـيـاس رد الرجا لــي
.. / ..
عـارف والله دروبـك والـدلـع
مـا اظنـك تهتوينـي باقتـنـاع
شغلتك قمت تحبكهـا بـلا سنـع
استطعت تشيل منـي كـل قنـاع
انتهى السيناريـو معـه الخـدع
كنت انا جاهل بقلبـك والطبـاع
انت في طبعك واناغيـر الطبـع
انت عايـش للتسالـي والضيـاع
.. / ..
مثلك بدنياي ما عمره يكـون
حبك انساني بلحظه مـن انـا
للهوى في خافقي نبتت غصون
وردها عطر بعطـره جونـا
صاحبي ليه التجني والظنـون
ليه ترضى لي ونفسك بالعنـا
انت في وسط الضماير والعيون
كيف ابيع الي سرق عقلي انـا
لين شفتك كل جرح بي يهـون
تمسح الفرحه دموعـي والعنـا
ولي فقدتك صابني مثل الجنون
وانتحر نور القمر فـي ليلنـا
.. / ..
قالوا أن الشخص تعرف قيمته لما يغيب
وأنت غبت ومات قلبي من رحيلك ياحنون
كيف تترك قلبي اللي فيه ظنك مايخيب
تحسب إن إحساسه ميت من زرع فيك الظنون؟
ياحياتي في غيابك كل جرح ما يطيب
وفي حياتي يا حياتي غير جرحك ما يهون
.. / ..
اسمك محيته من سجلي بـلا خـوف
وصورة خيالك شلتهـا مـن كيانـي
حلفت ماكتب كلمة تجمـع إحـروف
اسمك ولـو شحـت علـي المعانـي
.. / ..
يابعد عمري وحياتي يابعد من قـال ويـن؟
وين اجيك ووين اشوفك وين حدد لي وعـد
الوعد داخل عيـون فـي غرامـك تايهيـن
واللقى داخل خفوق ما عشـق غيـرك احـد
لك مواثيق المحبـه والوفـا عهـد وديـن
ما يخون الا الدني والحـر يوفـي بالعهـد
.. / ..
أي والله فراقك مثـل نزعـة الـروح
في كل عـضو بالجسـد لـه مواجـع
أي والله غيابك خذى الصمت والبـوح
شل الشعور اللي على الولـف ساجـع
أي والله بحـزن ولوعـات وجـروح
هواجـس قضــت علي المضاجـع
هذا فراقك شوفي شلـون ياالــروح
وهذا غيابـك تشتكـيـه المـواجـع
.. / ..
حبيبي يابعد روحي احبك لاتعنيني
كفاني ماجرالي يوم هلت دمعة عيونك
ترفق بي على هونك ماجاني منك يكفيني
انا المملوك في حبك حبيبي مااخلف ضنونك
خيالك دايم بعيني وانا اللي فيك مفتوني
ولايطري على بالك يجي مخلوق من دونك
ديــــــــــــم
[/align]