ردو سـلام المسـتحـق المـبهذل *** على الذي بدواي شحت ومنت
وقولو تراه من الشقا به تغربل *** والعين هلت دمعـها وأستهلت

أنا لاحظت أن الأغلبيه بالمنتدى هنا رومنسيكيين
فحبيت أني أستهل موضوعي ببيتين رومنسيكيات <<< قل قسم
<<<< الرومنسية بشنق وأنا بشنق ثاني

يعني بالعربي عندي قلب فاضي مافيه أحد
وعارضه هاليومين للإجار .... لاحد يفهمني غلط
أنا أنسان مادي البته ,,, هذا المقصد .. ودي أستفيد من قلبي

مهوب هذا موضوعنا <<< كل أبو دايم تقول كذا
أنتم وشلونكم .. أنا لوني بنفسجي ومن داخل بيج
وش أخباركم ..كل شي تمام .. الحمد لله

الكلام اللي أنا جاي أقوله لكم هنا
ودي أقول لكم , ترانا (ياقماعة ) بأخر الزمان <<<< بالله ياشيخ

الدليل على أننا بأخر الزمان ,, تتوقعون وش شفت
لقيت يماني ينكت ... أدري أنكم ما راح تصدقوني

أشتهي أقول لكم السالفه عشان تقتنعون بكلامي
جيت طول الله عمر القاريين .. عند محل عصيرات <<< أكيد تبي تشتري عطر
طلع اللي يشتغل في محل العصيرات يماني <<< وهذي بحد ذاتها من عجائب العصر
المهم أنتم تخبروني أحب اللكاعة ,,, طلع لي اليماني عامل محل العصيرات !!!!!
<<< عيت تدخل براسي .. يماني ويشتغل بمحل عصيرات
المهم من اللكاعة عندي , سألتة سؤال غبي جداً جداً

قلت له : عندكم عصيرات
قال لي : لا أحنا نبيع بنزين وديزل <<< ركز هنا عزيزي القارئ الكريم اليماني قاعد ينكت

أنا طبعاً في هذه اللحظه سكت سكتت المنذهل في وسط المعركة << مستغرب
هوعلى باله أني ولد ثقيل وما أضحك مع أي شخص ...
المهم قلت له جب لي أثنين عصير ليمون بس مهوب بارد . <<< داخلني برد ومزكم شوي

جاب العصير
قل تفضل ياأخي أمبنزين << (أم) هذي حقتهم
قلت : كم حساب أمبنزين حقك هذا << أندمج الولد
قل : أمحساب أثنعش ريال فقط
قلت : خذ هذي إمحدعش ريال .. وهذا ريال منقطع عشان ما تنكت ثاني مره <<< طيحت وجهه
وهي تقفل معه .. قال يا ثقل دمك ما تعرف تنكت ياخي .
في هذه اللحظه بالضبط أنسدحت أنا وخويي من الضحك عليه ..

واللي يبي يتأكد من كلامي هذا....
يروح لمحل أسمه عصيرات الأمراء في عنيزه <<< يعني أنا أمير , بس تجميع تايوان .

والدليل الثاني يا شباب على أننا بأخر الزمان <<< لاحظو أني قلت يا شباب
أن الحريم والنساء غزوننا ,, يعني صارن أكثر من الهم على القلب
مع إحترامي للحرمات اللي معنا هنا <<<< حرمات جمع حرمه والحرمه كلمه تطلق على الحرمه..

وأنا أكتشفت هذا الشيء ذاك اليوم
رحت للسوق .. أبي أشتري لي شنطه للعيد
لقيت حرمات واااااااااجد يعني مالي ماطئ رجال حتى في محلات الرجال
اللي قاعده تشتري لزوجها شرابات <<< مالقيت إلا شرابات
واللي تبي تشتري شماغ لولدها ..

وأنا وقتها دورني ,,, بوسط الحريم . شيل وحط أنا وياهن
اللي تقيس علي شماغ واللي تقيس علي نعال <<< حقل تجارب
وفيه وحده ما تستحي تبي تشتري لولدها سروال .. تقول لي ممكن أقيسه عليك
لأن ولدي سيقانه مثل سيقانك بالضبط ,,اللهم أن ولدي فل كامل وأنت ستاندر
<<< تقصد شي بس وش مدري
الحمدلله طلعت منها سالم وأشتريت اللي أنا أبي <<< قبل أدخل المحل كان أسمي ماجد

بس بصراحة النساء كثرانات بشكل رهيب <<< تقول أن الرجال أنقرضو
إن رحت لمستشفى تلقاه كله حريم
وإن رحت لمكتبه .. أغلب الموجود حريم
والسوق .. حدث ولا حرج .. مالك سنع أبد
الله يستر من يوم أروح فيه للصناعية

والسلام عليكم ورحمة الله وبركاته