السلام عليكم ورحمة الله وبركاتــه ××× المــوضــوعـ ××× ِAseer alhob LazorD فهد البارع البدر الحنون اربعــة من الشباب المكافح قررو السفر الى تركيا .. القــطة 300 ريال << والله لو انك بتروح للبر ما كفـت فبعد شيل وحط ويمين ويسار قررنا زيادة القطة الى 8000 ريال للشخـص شاملة الاكل الشرب السكن المواصلات لا يدخل شرب الخمر ولا السهرات في الملاهلي اللليليه ضمن القطه << مخربينها الشباب مع اخذ الضمانات من البنوكـ .. ترا امزح معكم لا فيه شرب خمر ولا سهرات ليليه حنا شباب مكافح << امحق مكافح بدينا نضبط الشناط وكل واحد مضبط شنطته عاد واحد من الشباب دايم يجيب الطعه .. الطعه = النكبه = الورطه كلم اهله ابروح اخذ لغه في اسبانيا وش هاللغه اللي بتاخذها في اسبوعين لا ورايح لتركيا بعد .. مكشووفه على طوول المهم وصلنا لمطار الملك عبدالعزيز جينا بنقص البوردنقات موظف الخطوط : سم ياشباب وين رايحين فهد البارع : بنروح لاسطمبول موظف الخطوط : وشي اسطمبول LazorD : << يبي يعدل الغلط .. قصده اسطنبول بس الولد ما نام من امس ... موظف الخطوط : وتكسوه الابتسامه وفي داخله يقول ما يعرفون اسم الديره وشوله تسوون فيها وتروحون لها فهد البارع : يالحبيب ترا انا امزح معك عارف اسمها بس ابعرف ان كانك بتعرف اسمها ولا لا . موظف الخطوط : اقول انثبر يالحبيب وحط شناطك Aseer alhob , LazorD , البدر الحنون: هذي شناطنا يا طويل العمر فهد البارع : ( جايب كيسه مكتوب عليها جيان ) هذي اغراضي . نعنبو بليسه حتى في السفر يجيب اكياس محلات ويحط اغراضه فيها فشلنا هالادمي هذي تونا في المطار المهم خذينا البوردنقات وطلعنا للطياره يوم دخلنا للطياره المضيفه : Aseer alhob , LazorD , البدر الحنون: اجلسو هنا هذي مقاعدكم (( طبعا انا حاجز الدريشه( الطاقة) قبل ما نركب )) الا قبل ما نخطط للسفره وانا حاجزها فهد البارع . طال عمرك وانا وين اجلس فيه المضيفه : انت اجلس هناك .. يوووه في آخر الطياره فهد البارع: طيب انا ابجلس عند اصقداني . المضيفه : والله عاد هذا موظف الخطوط اللي قصلك البوردنق هو اللي حاطك هنا كان علمته يحطك عند اخوياك اثر موظف الخطوط حقد عليه وحطه عند واحد ههههههههه والله عاد فليناها .. اولا افتكينا منه لبرهه من الزمن .. ثانيا موقعنا حلو جنبنا تركيات يحبهم قلبك عيوننا قالت تسذا <<<< اثقل يا ولد وخذ ضحك .. وفله ما حصلتش حتى الطيار قال ياشباب اذكرو الله فهد البارع: ياهوه لا تقعدون تضحكون وتخلوني تراني قاط معكم <<< بيذلنا هو وقطته المهم عاد ووصلنا هناك وفلينا ام امينها من سعة الصدر بغينا نروح على رجلينا للفندق << مسوين في اوربا والله ونروح لك لهذاك الفندق .. وندخل عليهم وندخل على هذاك الفندق اللي يحبه قلبــك .. يكفيك بس موظفات الاستقبال (( وجه ينم عن دشاره )) ههههه يوم تونا بنستأجر وينط فهد البارع من الكرسي اللي هو جالس فيه فهد البارع : عيال اسالوهم فيه بركه( مثل المسبح ) ولا لا .. LazorD التفت علي ووجه منقلب فوق تحت .. يوم التفت ورا الا عائله سعوديه يناظرونا .. احس انهم يقولون وش هالقراوا والتفت على فهد البارع قلت يا فهيداان ياحبك للاستهبال .. ياخي مدري ليش تحب تستهبل حتى هنا خلاص ياخي لا تستهبل يعني كنك تو ما سبحت في المسبح على بالي ابي افهمه .. والتفت علي وقالي لا والله صدق ترا اهم شي البركه .. ابي اسبح .. قلت نعنبو بليسك يا دب بركه هذي في بيت اهلك في ديرتكم .. وغلطة عمري اني جيت معك انت ويا هالاشكال وحنا جايين من جدة لتركيا عشان تسبح لا وبعد بركه .. يعنى حتى اسمها ما تعرفه انا من يوم شفت فنيلتك عليها طحالب وانا غاسل يدي منك انت وهالجحلط اللي معك << قلب عليهم كلهم الهم ذا غثنــا .. لا وجه زي الناس .. ولا كلام زي الناس .. ولا لبس زي الناس .. يعني كلش مو زي الناس << اجل زي ايش يعني يوم جينا نطلع الاغراض للغرفة ونلتفت يمين نلتفت يسار ياولد وين فهوووووووود ونقعد نصوت فهد يا دلخ ياهووه .. ما يرد قال واحد من الشباب يمكن انه انخطــف يوم فكرت فيها قلت وش يبون بـــه .. لا فلوس لا مخ لا شكـل .. يعني مافيه اي شي يخلك تشك مجرد شك انه بينخطــف والله ونقعد نسال عنه هالعالــم .. وكل من سألناه قالو كم عمره يحسبونا نسال عن واحد عمره 4 سنوات ,.. ما يدرون اننا نسأل عن واحد عمره 21 المشكله الولد العربي يالله يتكلم مابالك بالتركــي عاد الاتراك يالله تلقالك واحد يتكلم انقليزي بعد ونجي نسال السكرتي اللي عند الباب .. ونعطيه اوصاله (( فنيله خضرا وسروال اصفر )) << قايلكم عليه لبس مدري وش يبي قال توني شايفه يدخل غرفة النظافــه .. ونفتح غرفة النظافه الا الولد طاقن ام الابتسامه وقاعد يناظر عاملة النظافـه .. والله ونلقطه .. يابن اللحلال وش فيــك قال ياخي شكلها تحبــنــي .. ياناس والله مشكله هاللي يخق على طووول .. لا ومن عاملة نظافه بعد .. ياوالله البلشه .. والله ونمسكه قلنا والله الشرهه مهوب عليك علي اللي يجيبك معه .. ياخوي ترانا جايين نببسط ونوسع صدورنا ونتمتع بها الاجواء الممتعه << يا عيني على التعبير التفت علينا وقال هذا ياخي اهم شي في التمتع بالاجواء المرحه اثر الولد رايحن زلطه معها .. المشكله عمرها 35 سنه يعني اكبر منه بـ 14 سنه والله ونتلقه بالقوه .. ويجيك كـلـي مـشـاعـر ويخمه هاك المخمــس .. وقال اذا انت راعي هالامور ترا من الحين ابطلع بلحالي ولا اعرفك ولا تعرفني << هذي مشكلة السعوديين يسافرون مع بعض وعلى طول يتضاربون ويجي البدر الحنون انا يعني ويفزع مع LazorD.. قالت له ايه ايه .. انا الوالده موصيتني .. وتقولي لا تمشي مع دشــيــر .. وانتبه من هالاشكال (( قاعد يأشر على فهد البارع )) قلبنا عليه كلنا يا حبيلنا .. يوم الولد رضخ للامر الواقـــع .. وقال خلاص يا ولد بس تعرفون الحب وما يسوي << نعنبو بليسه ما امداه يحـــب .. يوم طلعنا اثره الرجال معطيها 15 يورو << صارت لاعبه عليه بعد ههههههههههههههههه والله الفشــيله ووين نودي وجيهنا قدامها الحين بتحسبنا كلنا مخفات الحين .. يوم جاء من بكره ونبي نطلع نتمـشــى الا الرجال طايح مسوي نفسه مريـــض .. قال شكلي مانيب طالع اتمشى معكم اليوم تعباان مررره قلتله ياولد قم ما فيك الا العافــــيه .. المرض اصلا لو جاك هو اللي يمرض << يبي يسدحه بعين قال لا صدق تعباان شكله من الطياره وتغيير الجو .. خلوني اليوم مالي خلق انتم اطلعو .. عاد يوم جينا بنطلع قلت للشباب .. اقول شكل الرجال يبي يقعد عشانها بس خل نقعد في اللوبي ونقعد في مكان صاد بنشوف وش بيسوي .. المهم نزلنا للوبــي .. وجلسنا ما قعدنا ربع ساعه الا الرجال .. طاقن لي شووورت وفنيله علاقي << ما تجــي نازل تحت وقاعد يدور عاملة النظافــه .. يا والله البلشـــه هههههههه المشكله طاق زنوبات حقة الحمام حقت الفندق اللي تجيك ورق << بيسوي اتيكيت بالقوه .. وونطمــر ونطــب عليه .. قلنا وش عندك هنيا .. قال هاه .. انا نزلــتــ بس ابي اشووف عندهم مغسلة ولا ما عندهم (( المشكله ما لنا يوم واصلين يعني مافيه ملابس وسخه لين الحين )) .. والله ونلقطه قلنا غير هالخلاقين اللي عليك وطقلك بدله زي الناس وامش معنا شافنا شاكين في وضعه قال يالله .. ونرقى وندور بملابــســه .. اثر الرجال جايب تكاميل .. كلها بدل رياضه .. قلتله نعنبو بليسك ماعندك ملابس سنعه .. عاد Aseer alhob مقاسه هو وياه واحد .. قام وتبرعله ببدله وطلعنا وعدا ذاك اليوم بسلاام .. تبقى 14 يوما من الرحله حافله بالعديد من المغامرات الشيـــــقـــه المهـــــم ... للحديــــــث عن الرحـــله بـــقـــيه >> بس مشفره على MBC بس حبينا نكتــــب لكم .. ونوسع صدورنا وصدووركـــم ما يستفاد من المقال اعلاه ** لي جيت تسافر لا تروح مع واحد غثيــث يدبل تسبدك في السفــر ** لي جيت تلعب علي اهلك وتقولهم اباخذ لغه مهوب تقولهم عشر ايام ترا ما تمشي حتى على الشغاله ههههههههههههههههههههههههههههههههههههههههههههههاااا اااااااي ودمتم بود البدر الحنون