السلام عليكم ورحمة الله وبركاته
القصة للكاتبة بنت أبوها .. أتمنى تنال إعجابكم

الجزء الأول

في بيت راشد بن سعيد في غرفة ضخمه يطغى عليهاا الالوان الفاتحه المدومجه لتشكل لون حليبي مدموج مع اللون الفستقي يعطي الغرفة جمال واثاث يغلب عليه الجانب الطفولي طلعت من الحمام فرت الفوطة على الكرسي وسارت صوب التسريحه يلست تسحي شعرها المبلول الواصل الى اسفل ركبها وتأمل شكلهاااا صدق تغير ويهااا مصفر وايد حطت ايدها على ويها مسحت خدودها ضعفت وايد عن قبل بدون ما تحس اصلا نور واشراق ويه انطفى مااا عاد يعرف الا ملامح الحزن و التعب والدموع المنهمله باستمرار عليه مرن سبع شهور وهييييه على هالحاله مب هين الا استوى مب اي واحد رااح وما عاد بتشوفه ابد هذا اغلى شي عندها في الحياة ما تخيلت في يوم عمرها بدونه مع انه عارفه الدنيا و الحياة وانه الموت حق على الجميع بس حبها له تعلقهااا به وناستهااا بشوفته صدره الحنون اللي ترمي عمرها عليه الايد الحنون اللي تمسح شعرها هيه لين الحين مب متخيله انها فقدته للابد ما عاد تشوفه وهو رايح او ياي من الدوام ما عاد تشوف ضحكته اللي لها طعم ثاني ما عاد تشوف عيونه اللي تلمع حنان وحب لكل من حوليه طيبته اللي غلبت عليه رغم شدته في مواقف و ضعفه جدام دموعهاااا ودلعهاااا نزلت دمعتها وردت تصيح وتشاهق بصوت مسموع صدق فقدته صدق راح عنها بعيد في عالم ثاني وخلاهااا في عالم كبير وفيه متاهات عديده حطت ايدها على ويها وتمت تصيح بصوت مسموع تحس قلبها يتقطع ورحها بتطلع من الضيج وشويه وانفتح باب غرفتهاااا ما رفعت راسهااااا

وقفت جدام الباب تعبت ماعاد تستحمل هم على هالحاله من سبع شهور ام ساره تقربت من بنتها وتلفها ما بتسالها عن صياحها وهيه تعرف السبب : امايه فديتج ادعي انه الله يرحمه..... بس امايه لا تصحين هو غالي علينا كلنا بس هذي الدنيا وابوج ما بيرتاح في قبره وانتي جذيه تصيحين يا الغاليه

ساره تشاهق : امايه راح و الله مب متخيله حياتي بدونه

ام ساره ترفع راس بنتها : ساره انتي مؤمنه مب زين جذيه الغاليه ابوج يتريا منج دعواتج ويشوفج مستانسه صدقيني مب بيكون مرتاح الا وانت مرتاحه

ساره تحاول تهدي عمرهااااا وتمسح دموعهاااا

ام ساره تحاول تتماسك جدام بنتها واطلع الابتسامة بغصب : سويرة فديتج قومي غسلي ويهج ويلا نتغدا

ساره بنفس ضايجه : ما ابى شي امايه ما ابى شي

ام ساره تحس انها تعبت : بتخليني آكل اروحي اهون عليج

ساره ترفع راسهااا ودموعها في عيونها : امايه فديتج مب مشتهيه آكل

ام ساره تحاول فيهاا : شوفي حالتج يا بنتي و الله انها ما تسر علشان خاطري فديتج ولو لقمه

ساره ما حبت ترفض لامها الي تحاول فيها : ان شاء الله

ام ساره وابتسامه تحاول اطلعها : عفيه على بنيتي يلا الغلا قومي غسلي ويهج وانا بروح اقول للبشكاره تحط لنا الغدا

ساره تقوم واقفه وتسير صوب الحمام تغسل ويه ………مشت عن بنتها نزلت دمعتها تحاول تتماسك جدااام ساره تحاول تظهر انها قويه بس هيه محطمه فعلا محطمه راح اللي كانت تتساند عليه في حياتها من بعده حست عمرهااا ضعيفه حست بمرورة الحياة حست شعور ما حست به وهو حي ومشت بشيلتها ادموعها الله يرحمك يا بو ساره ويغمد روحك في جنته ……..ووصلت المطبخ وقالت للبشكارة تحط الغدااا وسارت غرفة الطعام تتريا ساره البيت رغم كبره فاضي بطريقه كبيره ما حست بالفضوة يوم كان شريك حياتها حي ما حست بكبر البيت اصلا ما حست بالهدوء اللي طاغي على هالمكان ..وقطع تفكيرها صوت الباب وساره وهيه تدخل فابتسمت عايشه يوم شافتهااا يت ويلست عدال امهاااا ويابت الخدامه الغداا ويلسوا يتغدوااا وكل وحده تفكيرهاا متشتت وشعورهم بالضعف الحقيقي من بعده لين الحين مب قادرين يتأقلمون انه خلاص الميت ما يرد اللي يدفن في الحفره ما يرد مره ثانيه بس حبهم له كان هو الهواء اللي يتنفسوون راح وتركهم يصارعون هالحياه اروحهم ما عندهم سند يستندون عليه

قطع الصمت صوت ام ساره تقوووول : توها سوت حرمت عمج العصر بيووون

ساره تتكلم بتعب ونفس ضايجه : مرحبابهم البيت بيتهم

ام سارة : وشمسه تستسمح منج ما بتقدر تيي اونه عليهاااا محاضرة الساعه اربع العصر هيه بغت ترمسج قلت لها تتسبح

ساره من طرت امها الجامعه يالله ساحت اللقمة ودرت الجامعه من بعد ما توفى ابوهاااا ما عاد لها نفس تظهر من البيت رغم اصرار امها ومحاولات ربيعاتها واقاربهااا فيها بس ما طاعت تروح رغم انها سنه ثالثه ما باقي لها الا سنة ونص وبتخلص دراسة(كلية علوم انسانية) قطع تفكيرهااا صوت امهاا

ام ساره بنبره حزينه : ساره ما بتردين للجامعه ما تولهتي تظهرين تكملين

ساره بعصبية : لا

ام ساره : ليش امايه تضيعين مستقبلج ........قطعها صوت سارة وبنبرة حاده ممزوجه بصوت صياح : ما ابى امايه قلت ماا ابى لا تقولين لي مره ثانيه لو سمحتي قلتج ما ابى اداوم ما ابى اظهر امايه مااريد تفهمون خلوني في حالي يسد انه ابويه ودرني وخلاني اروحي

ام ساره ما قدرت تستحمل ونزلن دموعهااااا وهيه تكلم بنتها : ساره ليش مصره تعذبيني ليش و الله ما استحمل يا امايه ابوج الله يرحمه ترى الحياة جذيه................ تضيعج مستقبلج ماهو الحل لرجعته هالشي ما بيرده يا امايه خلي ايمانج بربج قوي واناااا ......انا عاااادي اتعذب وانا وين رحت عنج ولا وجودي مب مهم عندج يا ساره .....وتمت تصيح سارة راحت عندهاودموعها سيل هالموال دوم تسويه ويا امها هيه تعذبها من مات ابوها ما راعت شعورها حتى هيه تحبه وشريك حياتها بس هذا اللي الله كاتبنه وتقرب وتحضنهااااااا

ساره تصيح :امايه انا اسفه و الله اسفه لاتصيحين و الله احبج بس امايه مااقدر اروح الجامعه ما ابى امايه ما اريد اظهر

ام ساره ترفع راسها وتمش دموعها : الله يهدي سرج يا بنتي

ـــــــــــــــــــــــــــــــــــــــــــ

ومن الصوب الثاني في بيت بطي بن سعيد الكل متجمع يتغدا امنه مرته وشمسه وهزاع اولاده وكان الصمت سايد وطاغي على المكااان كلن بتفكيره وقطع الهدوء صوت تيلفون الصاله وهو يرن الكل رفع راسه

هزاع يطالع شمسه ويقولها: شموس قومي ردي على التيلفون يلا ما تسمعين

شمسه اللي عقدت حياتهااااا : اصغر القوم خادمهم قوم انت رد عليه انت ما تستحى تأمر على اللي اكبر منك

رفع بو حميد راسه و اطالع عياله ويخزهم بعين فقامت شمسه ترد خافت ابوهاا يتم يهاوشها كونها البنت حتى لو الاكبر وفي خاطره شو هالتفرقه في هالبيت تحس عمره مخنوووقه ما تقدر تعبر عن رايهاااا جدااام أي حد فيهم حتى هزاع اللي فاهمنهااااا احيانا يتغيلس عليهااااا ويطفربهااااا والا امها وابوهااا هذيلا ما فاهمينهااا وعلى قولتهاااا ولا فعمرهم بيفهمونهاااااااا

وهيه تأفف من الخاطر ويا هالعيشه في هالبيت شلت السماعه : الو

الطرف الثاني : الو السلام عليكم

شمسة : وعليكم السلام

الطرف الثاني : اشحالج الغالية

شمسه مستغربه مب عارفه الصوت : منو ويايه

الطرف الثانيه مبتسم : واحد يحبج ويحب يسمع طاريج

شمسه بدت تعصبه هذا اللي ناقصني : قليل ادب .........وبندت السماعة في ويه وفي الطرف الثاني كان ماسك التيلفون ويضحك من الخاطر عليهاااا ما عرفته هالخبله و الله صوتها وحشه وايد وخبالهااااا و البلاد كلهااااااا ورد يدق الرقم مره ثانيه بس حد ثاني رد عليه

هزاع : الو

حميد يضحك مب هيه اللي ردت: الو مرحباااا هزاع اشحالك

هزاع استانس : حميد اشحالك يا أخويه شخبارك ويا الدراسة

حميد مبتسم وهو يسمع صوت اخوه صدق توله عليهم خمس سنين ما شافهم الا فترات محدوده جدا اخر مره من سنتين : بخير الحمد الله اشحالكم انتوا علومكم

هزاع : يسرك الحال .......ويعلي صوته : امايه هذا حميد على التيلفون ..............الكل يقوم يركض يبى يرمسه

ام حميد تشل السماعه ودمعتها على خدهاااا وقلبها يشتعل نار لهفه ووله بشوفة مضنونهاااااوهيه تصيح دموع :ابويه حميد اشحالك الغالي شو صحتك

حميد دومه قوي بس صوتهااااا تهز بركااان وله وشوق للبلاد : بخير ربي يعافيج الغاليه اشحالج امايه انتي عساج بخير

ام حميد وهيه تصيح : بكون بخير بشوفتك يا حميد وانت قاطع امره ليش ما تسوي تيلفون يا وليدي

حميد هو فعلا قاطعهم وملتهي بالدراسه علشان يخلص ويفتك : سمحيلي يا الغاليه و الله ولهت عليكم وايد بس هانت ما باقي الا شهر وان شاء الله بخلص من هالدراسه

ام حميد تشاهق وناسه : الله يوصلك لنا بالسلامه يا حياتي الله يوصلك بالسلامه يا الغالي ......وتمت تصيح وتشل شمسه عنها السماعه

حميد بصوت مبحوح : الغاليه دخيلج لا تصيحين و الله دموعج غاليات يا امايه

شمسه ودموعها على خدهاااا ولهت عليه حيل: هلا الخايس انت اللي من شوي مسوي تصدق ما عرفتك اشحالك حبيبي

حميد يضحك : ما عرفتيني لانج خبله وبعدين خايس وحبيبي شو هالتناقض هههههههههههه

شمسه تنزل دموعها: حميد تولهت عليك وايد

حميد : وانا اكثر الغاليه ........وفي خاطره يبى يسأل عنهاا توله عليهاااا وايد من فتره ما يدري عنهاا شي: شموس

شمسه تمش دموعهاااا:خير حبيبي

حميد بتردد : شخبار الريم

شمسه ابتسمت من الخاطر هيييه تعرف شكثر حميد يحب الريم بنت عمتها شيخه : بخير دومهم يسلمون عليك ومتولهين لشوفتك

حميد خلاص بينهي المكالمه ما عنده رمسه يقولها ما له خاطر يرمس تقطع تفكيره : حميد ابويه يبى يرمسك

ابو حميد : هلا ابويه اشحالك وشوووو الدراسه ويااااااك

حميد سارح في خاطره يركب اول طياره ويرد البلاد : هلا ابويه بخير الحمد الله يسرك حالي اشحالكم وانتوااا وشخبار الاهل عساهم طيبين

ابو حميد : نحن بخير بس انته هالله هالله بعمرك ها متى بتخلصون

حميد : جريب يا ابويه ما بقى شي شهر وان شاء الله بنرد لديار بو خليفه

ابو حميد : ان شاء الله يا ابويه ان شاء

حميد : الحين بسكرابويه عنك فمان الله سلم عليهم كلهم

ابو حميد : مع السلامه سلامك يوصل هالله هالله بعمرك يا ابويه وسلم على خالد وايد ..

حميد وحس نفسه ضايجه : ان شاء الله يا ابويه ان شاء الله .....وبند عنه يلس على الكرسي اه شكثر متوله ارد للبلاد اشوف اهلي و الربع وكل الناس مليت من الخاطر و الله ما مصدق اني برد للامارات بعد شهر ان شاء الله بعد هالغيبه برد لالريم اه يا الريم لو تدرين شكثر شوقي لج ووناستي يوم بتكونين حرمتي هيه حرمتي اول ما ارد ما شي بيمنعني اني ما اخذها ما حس الا بايد تهز كتفه ورفع راسه وحصل خالد واقف

خالد يبتسم : ووين وصلت

حميد يتنهد : ووصلت لدار الزين يا خالد

خالد : ايه يا ريال ما باقي الا شهر وبنودر هالكراف و التعب وبنرد البلاد شوووو رمستهم هلك

حميد يبتسم : هيه يسلمووون عليك وايد

خالد : الله يسلمهم من الشر ان شاء ..........ويعق عمره فوق الشبريه : بموووت من التعب

حميد يصد صوبه : صح انته شووووو سويت في الامتحان

خالد يبطل جاكيته : تماموووو فرغنااا ما عندناااااا

حميد ينش ويضحك : لا انته امره ما ينخااااف عليك مب من اشويه تاكل الكتب ماكل

خالد يدور على شي عداله عسب يضرب حميد : الله ياخذ بليسك قول ماشاءالله يا الشين

حميد منفخ عمره : اونه شين انته ودك نفس هالجمال بس شوووو نسوي للي يغارون

خالد يضحك : في هاي صدقت

حميد يحط ايده على بطنه : كلت شي

خالد : لا و الله يوعان روح يب لنا شي ناكله

حميد يمسكه من ايده : نش يا ريال نسير حتى انا تراني ميت يوووع ...........................راح حميد لبس جاكيته وطلعوا من الشقه

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ

وفي بيت ابو حميد عقب ما رمسوا حميد كل واحد راح غرفته يرقد وهيه عقب ما دشت الغرفة راحت سيده على الكومبيوتر هو الوحيد اللي يسليهااااا فجت الماسنجر جان بتحصل حد من ربيعاتها داشت ما حصلت حد عقب يلست تشيك على ايميلهاااااااا وتاخذ لها جوله في المنتدياااات جان حد منزل له جزء من القصص اللي تابعهن وشويه ورن تيلفونهااااا وشلته ويلست تشوف الشاشه ما عرفت رقم منووووو وردت عليه شمسه : الو

روضه : الوووووووووووووووو اشحالهاا المزيونه

شمسه تضحك عرفتهاا هاي ربيعتهااا وحبيبة قلبهااا وبير اسرارهااااا : ما شي يرفع معنوياتي الا مدحج لي

روضه تبتسم : والا تبانا نزيد بعد هههههههههوحلوه واطيح الطير من السماااااو حبية روحي وهوايه اللي اتنفسه تبين زود

شمسه تضحك : اشحالج روضوه غريبه اليوووووم مب راقده الظهر احيدج ما تفوتينها نومت الظهر

روضه بحزن : و هالغجر يخلون حد يرقد مخبل يرققعون البيبان والصريخ تقولين البيت مستوي رياض اطفال

شمسه : ههههههه منوووو عيال خواتج

روضه : جنهم متواعدين امره كلهم متولفين خواتي سلمى وعاليه وعيالهن واخويه محمد ومرته وعيالهم

شمسه : و الله وناسه يا حلات البيت ربشه وفيه يهال

روضه تبتسم : سيري لاه ما عندج سالفه جان تبين بعطيج خمسه صبري افكر بعددهم .....وتعد بصبوعهااا : ناتج الجمع ككل 18 واحد عنبوووو الواحد منهم ما يسده واحد واثنين

شسمه ميته من الضحك على ربيعتهااااا : حرااااااااااااااااام ذكري الله ولا جنج خالتهم هههههههههههههههه

روضه : هههههه المهم شوووووو كنت ما بروح الجامعه ما مخلصني احضر وشوف ويه الدكتورررو الله اني ابغضه بس ويه هالاصلع ابرك من هالصدعه يسد هناك بشوف احلى ويه .........يلست شمسه تضحك : اكييييييييييييييييد .....وكملت روضه كلامهااا : من بعدي ههههههههههههههههه

شمسه تضحك : و الله انج زفته

وفي غرفة ثانيه من البيت تسبح ولبس كندورته البيضا وسفره بيضا ويلس جداااام المرايه يتسفرويغني لمطربه المفضل خالد عبدالرحمن ماباقي الا يتسبح بالعطر ويشل بوكه وتيلفوووونه وشويه ورن التيلفووووووووووون هزاع يرد بسرعه : طالع طالع و الله طالع

خليفة معصب عليه : عنلاتك ياااا الخااام لاطعني من الصبح جدااااااااام الباب

هزاع يطلع من غرفته : افا يا بو سنيده هدي هههههههههههههه جان يالس في الشمس تراك يالس في السياره شووو ياك

خليفة بعده معصب : هيييييه مب انته عااااادي اضحك

هزاع طالع من باب الصاله : ارفع راسك بتخوز عنك الضيجه ...رفع خليفة راسه وشاف هزاع ياي صوبه ويبتسم له فج هزاع باب السيارة وركب وابتسم ابتسامه عريضه : هلااااااااااااااااا و الله بو سنيده اشحالك ............خليفة يحرك السياره ويطالعه : نحمد الله

هزاع يطالعه : سوري و الله خليفة بس تاخرت تعرف انته لين اتسبح واتكشخ لزوم روحت دبي............

.خليفة يطالعه : لا اعرف انه محد اخق منك ههههه...................... سعيد بيسير ويانا

هزاع عاقد حياته : احيده يقول عنده محاظره لين اربع ما بيقدر يروح شوووووووووووو طنش

خليفة : ههههههههه طنشهاااااا قال الروحه ويانا وناسه ما تفووووت

ــــــــــــــــــــــــــــــــــــــــــــــــــ ـــــــــــــــــــــــــــ

شاله كتبهااااا في ايدهاااا وتركب الدري بضيج تلعوزت من المذاكره امتحانات الثانويه ما باقي منهن شي ووصلت جدااام غرفة ساره ودقت الباب

دشت وراحت سيده يلست على مكتب ساره بنت خالتها وقالت بضيج : الشعر الشيب بيظهر في شعري وانا شباب بعدني

ساره ابتسمت لها دومه تتذمر وتتحرطم على المذاكره بس شاطره ما ينخاف عليها : اشفيج ليش معصبة

ميره حطت راسه على الطاوله وتنهدت : رياضيات

ساره تسير وتسحب كرسي وتيلس عدالهااااا : شوووووو تبين افهمج

ميره ترفع راسهاااااا :تصدقين مليت و الله تعبت ما ادري عاد شووووووووو بسوي عقب هالدراسه كلهاااا

ساره تبتسم لها بهدوء : ان شاء الله تيبين نسبه حلووووه شراتج وبعدين فديت روحج انتي شاطره ما ينخاااف عليج

ميره اطالعهاا بهدوء هيه تحب ساره وايد هيه الوحيده اللي تقدر تقولها اللي في قلبهااااا وفي خاطرهاااا يمكن لانها ما عندها اخت هم ثلاثه ولدين اصغر عنهاوهيه:والله كلامج دومه يعرف معنوياتي ..........وتبتسم لها ردت ساره الابتساااامه رغم انه ميره اصغر عنها بس تحب تيلس وياها وتسووولف

ساره تمسك الكتاب وتقلبه: هاااااشووووو مافاهمه في رياضيااات

ميره اطالعهاااااا: متى بتيي الاجازه بفتك

ساره : واول امتحني عقب فكري بالنسب واخر شي الاجازة

ميره : عاد هالاجازة غيييييير السنه ما بنسافر بيون قوم عموه مريم من البحرين هييييه وعيالها وبيلسووون شهر ويانا و الله وناسه

ساره اطالعه وتبتسم : جنج يايه تسولفين ما تدرسين

ميره تمط الكتاب من يد ساره : سارونه عقب بندرس الحين خلينااا نسولف شويه........

ساره تبتسم : اشتقت لعمور فديته من زماااااااااان ما شفته والخايس هو مايي بيتناااا

ميره بجديه:من زود ما تظهرين اصلاااا انتي من متى ما دخلتي بيتنا وهوو الا عدالكم سارونه ما ادري ليش حابسه نفسج يا بنتي ظهري و الجامعه وودرتيهااا وسكتنااا بس ساره مب تتوقف الحياة بموووت شخص عزيز

ساره وردت لحزنهااا كلامهم كلهم صح بس م الها خاطر لشي اصلا ما تدري شووو تبى .....طالعتها ميره بحنان وقالت : سوري ساره بس هاي الحقيقه انتي اللي تسوينه مب حل لشي انتي تعذبين عمرج واللي من حواليج

وشويه وينفتح الباب وتدخل خالتهاااا وشاله ولدهاحمد (عمره سنتين ونص )توقف ساره وتسير صوب خالتها وتبتسم : هلا خالوه

ثريااا ترد الابتسامه وتشل ساره حمد عنها : هلا امايه ساره اشحالج .......

ساره تبوس حمد : بخير ربي يسلمج خالوه ...اشحالج انتي وشخبار عمي أحمد

ثريا تسير تيلس على الشبرية : بخير الحمد الله يسرج الحال ........وتصد صوب بنتهااااا: اونه مب فاهمه شي يايه تعبلج تفهمينهااا

ميره تنط : شوووووو اعبلهاااا ...وتبتسم : هيه ودهااااا ايها كل يووووم بس انا اقولها الظروف ما تسمح تترياني لين عقب الامتحانات

ساره تبتسم و اطالعهااااا وردت ثرياااااا: بدال هالثرثره شدي حيلج وراينااا النسبه الزينه اللي بتيبينها

ساره تلاعب حمد : ما عليج منها ميروه شاطره وبتبيض ويهناااااا

ميره اطالع امها : امايه ما دام سارونه شهدت لي ماااا ابىشهادة حد خلاص ولا اقبل

نشت ثريا بتطلع من الغرفه وشلت حمد : بودركن بروح اشوف عايشه شووو تعابل في المطبخ

ثريا خت عايشه عدال بيتهم ما تقطعهم ابداااا وطيبه وعندهااا ثلاثه اكبرهم ميره ثانويه عامه وريلهااا احمد يشتغل في شركة ابو ساره مدير مساعد من عشرين سنه وهو الحين يدير الشركه من بعد وفاة المرحوم اللي صارت الشركه والاملاك و العقارت و الفلل كلهن لساره الوريثه الوحيده لابوهااااا بعد ما باع كل ممتلكاته لها

الساعه خمس العصر وصلوا قوم بو حميد بيت المرحوم عقب ما سارت ام عمر بيتهاااا والا ميره تمت عسب تذاكرلهااا ساره وقربوا بهم وفولوهم ويلسوااااا يسولفون ردت المياه لمجاريها بعد الهجيره و القطعان اللي دامن 15 سنه من بين بو ساره واخوه بعد مرض بو ساره ودخوله العنايه اصر انه يشوف اخوه ويستسمح منه حتى لو كان مب هووو الغلطااان علشان يتوفى مرتااااح كان حاس بعمره وحاس انه يومه قريب

عقب ما طلعت الخدامة للمرة المليون علشان تنزل لقوم عمهاااااااطلعت عايشه تشوفهاااااااواول ما دشت الغرفه حصلتهااا درس ميرة

ام ساره بنبرة حادة : ساره

تلتفت ساره لمصدر الصوت : نعم امايه

ام ساره تتجرب منهاااا و اطالعها وقالت : انا مب مطرشه لج ليلا علشان تنزلين تسلمين على عمج وحرمته

ساره بتافف وتحط الكتاب فوق الطاولة : مب لازم امايه ما من زود المحبة امبيناااااااااا

ام ساره اطالعهاااا وسايره صوب الباب : اترياج تحت انقفضي الناس بيروحون ومن الصبح يسألون عنج يبالج زفه عسب تنزلين تسلمين على هلج

قامت ساره ولبست شيلتهاااااوتتافف من الخاطر هيه ما متعوده عليهم وما تحس شعورالاهل اتجاههم تبى تنزل وتقول لميرة : يلسي حلي الاوراق لين ما ارد اوكيييييييه

ميره اطالعهااا وتقول : اوكيييييييييييييييييييييييه

نزلت وسلمت علىعمها وحرمته ويلست على الكنفه اللي يالس فيها عمها عقب ما قالها تيلس عداله لانه متوله عليهااااا

ابوحميد يكلم ساره : الغاليه اشفيج شكلج تعبااان

ساره اطالع عمهااا : سلامتك عمي ما فيني شي ............ام حميد تشاركهم : امايه جان انج تعبااانه قومي بيوصلج عمج المستشفى

ساره: لا عموه فديتج ما فيني شي

ام ساره ادش وفي ايدها الدخون : و الله من قلت الاكل جذيه صايره شووووووو اسويبهااا عنيدة

ابو حميد يكلم ساره : لو تمتي جذي بتمرضين الحين انتي ليش معذبه عمرج ...........وقطع رمسته صوت تيلفونه ورد عليه بو حميد : الووو

شمسه بملل: هلا بويه وينكم انا من الصبح جدااام البوابه وينكم

ابو حميد : انزينه الحين ياينج امره الحين ظاهرين

شمسه : اوكي انا اترياكم عند البوابه .....بند عنها ونش من مكانه : يلا يا ام حميد شمسه تتريااا ويصد صوب ساره وامها : بنترخص عنكم .....ويكلم ساره : يا ساره اباج تسمعين رمست امج تراج تعذبينهاااا جذيه وانتي مومنه ومتعلمه ما لازم تسوين سوايااا اليهال يعني لو مرضتي جذيه بتريحين ابوج الله يرحمه في قبره والا امج المتعذبة عشانج .....ساره ساكته ومحمره الحين بطيح دمعتهااا هوو ما له خص ليش يقوووول جذيه عااادي اسمع من امايه من خالوه من أي حد غيييره هو شدخله فينااااااايوم شاف ابويه توفى وما باقي لنا حد ياي يتحكم ويقدم نصايحه الظاهر نسى شووووووووو سوى بأبويه

ام ساره تبى تغيرالموضوع تشوف ساره تغير لونهااا واشوي بتصيح وتعرف انها حساسه :تعشوااا عندنا عقب بتروحون

ام حميد تسلم عليها : مشكور الغاليه بس شمسه حليلها في الجامعه وتتريانا .......وسلموااا عليهم وترخصواااا عنهم بيرحون ييبون شمسه بعدين يردون صوب بيتهم

وردت ساره غرفتهاااا عقب ظاهروااا من الصاله حصلت ميره ترمس في التيلفون

ميره ترمس ربيعتهااااا طريفة : لا و الله فنان عيييييييييل فاتني جب جب لا تيلسين تغايضين انزينه مب مشكله بشتري شريطه بتشوفين جان ما شريته تستاهلين هاي حوباتي هههههههههههه احسن صدق و الله الخامه ابدي خل عنج اللعب والرقااااااااااد لاحقه عليه بتيج الاجازه لا نحن السنه ما بنسااافر وين بتروحون هيييييييييييييييييه صدقيني فنانه نحن قبل العام رايحييييييييين و الله انهااا تهبل صدق اوكييييييييييييه حبوبه بودرج الحين سلمي على خطيبي ههههههههه لا تنسين ها لا و الله عييييييييييييييييييل امواااااااااااااااااااااح بوسيه على خده .....وبندت عنهاااااااااااا

ساره اطالعها وتحاول تهدي عمرهاااا : انا مودرتنج تذاااااااكرين من متى وانتي تسولفين

ميره تبتسم : و الله توني داقه لهااااااااااااااااااااا كنت يالسه اذاكر بعد شوفي حليتهن الاوراق وتعطيهاااا الاوراااق

ساره تبى تطلع عنها: قومي توضي جنه المغرب اذن ................ ميره مستغربه ساره متغير ويهااا توها كانت تسولف ردت بحاله ثانيه ورفعت كتوفها باستغراب وراحت توضأ بتصلي بعدين بتروح البيت

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ

يالسه تعابل في المطبخ ويااااااا الخدامه ودخل عليهاااا عمر

عمر ويالس يرتب في خاطره الكلام اللي بيقوله : امايه الغاليه شوووووووووو تسوي

ثريا ماردت عليه ويلست تعابل شغلهاااا تعرفه انهيبىشي والا ما بيي لين المطبخ

عمر بشجااااعه : امايه انابسير عند خلفان ولد خالووووه نوره يراااانااااا

ثرياااااا تصب الماي على الطحين : لا

عمر احبطت الكلمة بس بيحاول وياهاااا : ليش امايه الا هنيه في الحاره مب رايح مكان بعيد

ثريا : عمر حل عن سماي قلت لا يعني لا

عمر وعارف انها بترفض : بعديبن انا كبير امايه الحين بروح خامس وانتي من يي المغرب ما تخليني اظهر هاي مب حاله

ثرياااا بعصبية : عمر خلاص

عمر يروح عند الباب : هييييييه لو طلبن أي شي صغييييير لا او ميروه الخديه طلباتهاااا اوامر ..........وطلع من المطبخ وصدت ثريااا عليه بس ما حصلته وردت تكملللل شغلها

راح الصالة معصب ويلس على الكنفه مجابل التلفزيون يبدل ويفرفر على القنواات شوية دشت ميره وخدامة خالتها الصاله

ميرة : السلام عليكم

عمر مبوز وما رد عليهااا

ليلا سارت صوب المطبخ عند ربييعتهاااا يسولفن ويقرقرن وياخذن علوم بعض وميره راحت وحطت الكتب على الطاوله اللي في الوسط ويلست عدال عمرويلست اطالعهااا وابتسمت وقالت : اشفيك عمور ليش معصب

عمر يطالعهااا وخاطره يكفخهاااا : ما شي ... مالج خص

ميرة استغربت منه : ليش أنا شوووو سويت لك علشان ترمسني جذيه

عمر يصارخ : انتي يوم تقولين لامي ابا اطلع اسير بيت خالوه عادي بس انا ابى اسير عند خلفان تمت تهد عليه هيييه ليش ما تفهم اني مب صغيييييير انا ريال كبرت مب صح

ميره اطالعه ويه محمر ومعصب من الخاطرهيه ودهااا تضحك على شكله : هييه حبيبي من يقول انك مب ريال

عمر يشل الرموت من الكنفه ويبدل ويحط قناة دبي الرياضية : عيييييييل ليش ما تقولين لامج هالرمسة

ميرة تهدي : انزينه بقولها وبعدين يا حبيبي امايه تخاااف عليك في الليل الدنيا مب امان هنود وبكستانيه تارسين البقعه ما يخااافون ربهم يجتلوووووووون انت تباهم يجتلوك

عمر يوقف مل من رمستهااا وعصب زود : انتي غبية اقولج اناااااااااااااا..ويصرخ زود : ريااااااااااال ما يقدرون يقولون لي شي

وراح يمشي بسرعه صوب فوق وميرة تنهدت هذا عمر دومه عنيد جذيه و الله طالع على سويره بنت خالوه عسب جذيه هي تحبه وايد


يالس جداااااااااااااام الكومبيوتر ومتشقق من الوناسه كالعاده يييوووووووووووووووم يفتح الايميل ويشوف رساله منهااااااا الدنيااا ما تشله من الفرحه ضغط على الرساله وهو يتريااها تفتح يحس الكومبيوتر اخذ ساعه فتحت ويلس يقرأها متوله على رسايلهااا من فتره ما طرشت له ولا ردت على رسالته الاخيرة خايف يكون صاير لهااااا شي



بسم الله الرحمن الرحيم



الغالي حميد

اشحالك عساك مرتااااح بصراحه متلهفه حييييل لرجعتك لنا ووحشتناااااااااااا وايد سوري اعرف اني من زمان ما طرشت بس و الله العظيم انشغلت بالامتحانات في الجامعه عم بندفش ما باقي الا اسبوعين وبنخلص وبنفتك من الكرااااااف وويع الراس انت شخبار دراستك وشو سويت في الامتحانات وبصراحه مشكور على القصيدة اللي في اخر رساله و الله انها تخبل يلست اقراها واعييييييييييييييد فيهااااا وايد ويلست ادور قصيدة وان شاء تعيبك



فدوه عيونك لو غدت روح مغليك

وش عاد لو راحت لعينك عشاير

أبيع مايغلى على الكون وأشريك

وأسوق لاجتني علومك بشاير

وأزعل جميع الناس بالحيل وأرضيك

و أصبر لو دارت عليه الدواير

وآخذ من أيامي لك و اعطيك

وان راح عمري لك فلا هو خساير

أحب أنا شوفك وصوتك وطاريك

دايم وفكري فيك هايم وحاير

بالصمت أهوجس بك وبالصوت أناديك

و الله عليم البينة و السراير

أنا وقلبي و الهوى بين أياديك

عندك مفاتيح لهن من الضماير

من روحي احبك من روحي افديك

يا من غرامه و الحسن فيه ثاير



خالد الفيصل





ها الغالي شد حيلك في دراستك نترياااااا ردتك بلهفه كبيره وما اوصيك هالله هالله بعمرك واتريا رايك على القصيدة اوكييييييييييييييه

والله يوفقك يا الغالي



(((((الريم ))))))



تنهد ورد راسه على الكرسي احبهاااااااااااااااا و الله احبهاااا طول عمرها مخبلتنييي كل شي فيهاااا حلوووو هيه ذوقها كلامهااااا فديت طاريج يا الريم ورد يسوي للرسالة برنت علشان يضمهاااا للرسايل الباقياااااااااااات اللي مطرشتنهن له وهم على هالحال من سنتين يطرشلها وطرشله وما رضت يكون تواصلهم بالمسن وفضلت الايميل يكون حلقة التواصل بينهم و في آخر زيارة له للامارات قرر يعطيهااااا ايميله علشان يتواصل وياهاااا

ويلس يتذكر الموقف عقب ما طلع من الميلس رايح صوب سيارته ودخل ابوهاااا الصاله يت تركض صوبه

الريم تنافخ وتبتسم : اشحالك حميد

حميد يصد صوب الصوت هاي صوت غناة الروح : هلا و الله ملايين ولايسدن انا من الصبح متفيزر في الميلس ولا يتي تسلمين

الريم بسرعه :كانت ربيعتيه عندي وتوها راحت وبعدين ما حد خبرني انك موجود هنيه

حميد يطالعها بنظرة كلها حب وحنان : اشتقت لج يا الريم

الريم حمرت واستحت نزلت راسهاااااا ما ردت عليه

حميد يبى يحرجهاااا : الظاهر انج ما اشتقتي لي

الريم ترفع راسهااااا بسرعه : شوووو هالرمسه يا حميد........تصد صوب باب الصاله خايفه حد يطلع : انت متى بتسافر

حميد بحزن : بعد يومين

الريم قبضهاااا قلبها وزعلت : بهالسرعه

حميد : شووووو اسوي لازم اسافر اكمل دراستي لو ودي ما اودرهااا دياااار انتي فيهااااا

الريم محمر ويه في خاطرهااا تبى تصيح : تروح وترد بالسلامة

حميد : الريم بعطي ايميلي شموس اتمنى انج توافقين بنتواصل بالايميل

الريم ما ردت عليه وركضت صوب داخل لانهااا سمعت صوت حد وهو ساااار بسرعه صوب سياااااارته

ابتسم من الخااااااااااطر عقب ثلاث اسبابيع من سفره حصل منهااااا رساله واستمرواااااااا على هالحال

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ

الساعه عشرة في الليل تبدل ثياابها وتلبست بدلة نوم تحس انهااا مصدعة وتعبااانه وبدوااار في راسهااااا سمعت صوت تيلفونهاااا المعقوق على الشبرية وصدت عليه وصلتهاااامسج كملت لبسهااااا وراحت تيلس على الشبرية رفعت التيلفون فجت الرساله ويلست تقرأها

((((( هلا حبوبة شووووو راقده))))) ابتسمت من الخاااطر ودقت لهااا تيلفون

موزه مبتسمه كعادتهاااا : السلام عليكم و الرحمة

ساره : وعليكم السلام هلا مويز اشحالج يا البخل الا بمسج تتعاملين عسب ادق

موزه تيلس على كنفة الصاله : اولا تمامو .....وثانيااعرفج ديايه تنامين بدري ابى اتاكد انج مانمتي وثالثا اشحالج انتي الغالية واشحال خالوه عايشة هههههههههههه

ساره تبتسم من الخاطر : الحمد الله بخير

موزه : و الله انج خاااااااامة الا يوووم انا ادق او اطرش مسج والا ما بتذكريني امره والا انتي مب حافظه رقمي ها

ساره تبتسم دومهااا مويز تشره : هو كم رقمج

موزه تضحك : صبري بسأل ميود .......وتصارخ ميووووووووووود كم رقم تيلفووووووووووني

مايد يالس يطالعها عقب طنشهااااا ورد يسوووووووولف وياااا امه

موزه تقول لسارة : و الله وعطاني بو لباس

ساره : تستاهلين روحي استهبلي عييييييييييييييييل .......................اشحالهاااا خالوه و الله ولكم وحشة من زماااااااااان ما طبيتووواااا دار الزين

موزه ترد عليهاااا : ول من زمااااااااااااااااااان اونه الا من اسبوعيييييييييييييين .............

ام مايد تكلم موزه : مويز منووووووووووووو ترمسين

موزه : هاااااااااااااااااااي سويرة امايه

ام مايد تاشر عليهااا انها تبى ترمسهااااا .............موزة : صبري امايه ما خلصن سوالفي انااااااا

مايد يكلم امه : ههههه لو تمتي تريين يخلصن سواااااالفهااااااااعييييييييل ما بتكلميهم ...سوالف مويز ما يخلصن

موزة تروح صوب امهاااا : يا اخي شووووووووووو دخلك انته

ام مايد ترمس ساره : هلا امايه سويرة اشحالج الغالية شهبااااااات صحتج

ساره : بخير خالوه الحمد الله اشحالكم انتوااااااااااا عساكم طيبين

ومن الطرف الثاني مايد يتلذذ بتعذيب موزه

موزه تمسك ايده : ميود وخر عن شعري و الله يخبر ابويه وانته تعرفه عاااااد

مايد يشد عليهاااا : تهددين يا الخاااامه

ام مايد : سكتواااااا الله ينطبكم تقول يهال ..........وترد لتيلفوون :هلا هلا و الله باختي اشحالج

مايد بصوت وايد : الحين بودرج علشان خاطر امايه

موزة بعد ما وخر ايده عنها ومألمه ونفشلها كشتهاااا : بتشوووف ليه ما خبرت ابووويه

وتروح تيلس عدال امهاااا

مايد يكلم امه : امايه سلمي عليهم

ام مايد تقول لعايشة: مايد يسلم عليكم

عايشة : فديت روحهااا يا ربي سلمي عليه و الله من زمان ما شفناه

ام مايد : و الله ملتهي بهالشغل ويوم ايي يرقد شويه ويروح العزبه والا المزرعه و الا ابوهاااا يطرشه بشغل

عايشه : الله يوفقه يا ربي ويعطيه الصح و العافية

ام مايد : عييل برايج الغاليه روحي رقدي و هالله هالله بعمرج

عايشه : سلمي يا الغالية عليهم كلهم في حفظ الرحمن ...............وبندت عنهاااااااااااااا

وراحت ام ساره غرفتهااا ترقد وشويه وصلت ساره مسج من موزه تقول(اللهم ان لي أخت حنون فأبعد عنها الهموم حيثما تكون وارزقهاانعمة تدوم )

ابتسمت من الخاطر وبندت تيلفوووووووووووونها و الليت ووطت راسهاااا ترقد




الجزء الثاني

سرحانه في عالم ثاني بعيييد عالم أحلامهااااا ومشاااعرهااا وحبها محد موجود فيه الا هو وهي بعيد عن الناس في جزيرة محد يوصلهاااا تبتسم فرحانه من الخاااطرأي شي ايي او يصدر منه حلووو عسل على قلبهااا كلمه منه تخبلبها وتخليهاااابعيده عن الواقع و الحياة اللي عايشنهاااا وزادت ابتسامتهاا يوم تذكرت الكلمة الأخيرة اللي كاتبنهاااا في الرسالة يلست تعيدهااا كذا مره وقالت بصوت واطي وبرقه العالم كلهااا العاشق الولهان يا ربي فديته وفديت طاريه ...........واقفه اطالع أختهاااا مستغربه منها تشوفه توزع ابتسامات جنهااا في اعلان سجنل تو ومحد عندهااا في الصاله و الخبلة مشغله التلفزيون وما مشغله الرسيفرياااا ربي صدق استخفت هذي ..ومشت صوبهاااا ووقفت مجابلتنهاااا وتمت اطالعهاااااا بعدهااا مبتسمة وتمت هيه واقفه لين ما انتبهت لها الريم وعقدت حياتهااااا وقالت : بسم الله السويحرة اشفيج واقفه جدامي جذيه

مزنه اطالع اختهاااا بنص عين : الحين انا السويحره والا انتي استخفيتي يالس تضحكي اروحج محد عندج ....وتصد وتاشرصوب التلفزيون : وهذا مشغلتنه وما مشغله الرسيفر ............مسكت الريم ايد اختهاااا وبعدهااا عن ويهااا وشلت الرموت وشغلت الرسيفر : خوزي لاه انتي شعليج

مزنه فضولهاااا يشتغل : ابى اعرف شووووو يضحكج ويخليج حالتج شرات الخبلة

الريم في خاااطرهاااا اوف شوووو ها اللزقه واطالعها : مزنوه حلي عن سماي تعرفين انج دومج ترزين بعمرج

مزنه تقوم واقف وتمشي صوب الباب وتلف عليهااااا : امايه اتقولج نشي سوي وياها الغدااا

الريم اضيجت اف ما يخلصني من خلصت من التقنية وانا اكرف في هالبيت : انزينه سيري لابارك الله في ويهج ما منج فايده والا بنت عمرهاااا 15 سنه ما تعرف تسوي بيض يااااااااااااا ناس

مزنه اطالعهاااا : هييييييييييييه فيه انااااااااااااااااااااا ..............واطالعهاااا بنظره وتروح عنهااااا ..بندت التلفزيون وهييييييييه تتافف من الخاطر الله ياخذها عكرت مزاجي ما يخلووون الواحد يستانس واذكرت حميد متوله وايد لرجعته ما باقي شي هانت ثلاث أسابيع وبيرجع وبيتم هنيه متى بعرس وبفتك من هالبيت .......ووصلت المطبخ وحصلتهاااا تعابل في الغداااا

ام سلطان صدت تشوف من دش المطبخ : توج بدري يا بنت حمدااان انا من متى مطرشه ختج تزقرج

الريم تسير صوب امهااا : امايه ترا مزنوه توهااا قالت لي وبعدين امايه ابى اعرف ليش الخداااااامة في البيت خلوهااااااا هيه تسوي غداااا

ام سلطان يالسه تسوي العيش : انتي ما تدريبه ابوج انه ما يحب طبخ الخدم ودومج جذيه سيري يلا سوي الدياي بدال ما يالسه تخربطين

الريم تسير صوب شغلها : انزينه امايه متى بترد ميثوه من بيت هلها ما جنهاااا طولت

ام سلطان : ما ادريبها و الله ما دام سلطان راضي انتي شعليج

الريم تقصص الدياي : والله ولهت على حمودي وشيخوه الحين مرت ثلاث ايام و البيت فاضي وممل

ام سلطان ساكته ما ردت عليهاااااا وتعابل شغلها

الريم بتردد : امايه ...........

ام سلطان ما ردت عليهاااااا ............................الريم تكمل : امايه اشفيج ما تردين عليه

ام سلطان : شوووووو تبين وانتي من دخلتي يالسه تقرقرين ما سكتي ها اسمعج شوووووو تبين

الريم باحباااااط امهاااا معصبة اتخاف تقولهاااا تفرهاااا بالملاس اللي بايدهاااا : ما شي امايه سلامتج

ام سلطان تصد عنهاااا طنشتهاااااا : برايج .....................بوزت الريم ويلست تعابل الدياي وتخلص شغلهاااابرك

&& &شيخه (ام سلطان ) أخت بطي وراشد بن سعيد هيه أصغر عنهم متزوجه حمدان ولد عمهاااا وأكبر عيالهااا سلطان (ماخذ ميثه تقرب له من بعيد يعني من أهلهم وعندهم محمد وشيخه ) وعقبه الريم عمرهااا 22 سنه متخرجه من كلية التقنياااا ويالسه في البيت وبعدهااااا ياسر عمره 17 سنه في ثاني ثانوي ادبي واصغر وحده مزنه عمرهاااا 15 سنه في ثالث اعدادي &&&

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ

لبست شيلتهاا وعباااتها اشافت شكلهااا في المرايااااا جان مرتب وعقب طلعت من غرفتهااا في طريجهااا لتحت شافت أخوهاااا يالسه الخدااااامة تلاعبه وسارت صوبه وشلته عنهااااا وباست وهو استانس يووووم شافهااا ويلس يزقرهاااااا : ميلوووه ميلووووه

ميره ابتسمت يالسه تسمعه وقالت : فديت هالثم اللي ينقط عسل يا ربي واتم تبوسه .........وهو يضحك مستاااااااانس

ميره نزلته وتبى تسير عنه مسك كندورتهاااا وصدت صوبه وهو يرفع ايدهاااااا حمد : الوح

ميره تنزل اتشله وتقول : وين تروح حبيبي ..........حمد وهو يحااااول ويجاهد عشان يطلع الكلمة : عند لالوه

ميره تضحك من الخااااطر على اخوهاااا : اونه لالوه ........حمودي سمهااااا : ساروه

حمد يطالعهاااا وهو مبتسم راحت هييييييه وياه تحت وحصلت ابوهاااااا يالس يقرأ جريدة وعمر يالس حذاله

ميره تبتسم يوم شافت ابووووووووووها : و أناااااااااااااااااا شوف البيت منووور ........ابوهااا ينزل الجريدة ويبتسم : بوجودج غناتي

ميره سايره صوب ابوهاااا تتدلع ويلست حذاله من الصوب الثاني وحطت راسهاااا على صدره وهو شل حمد: خير ابويه اشفيك اليوووووم ما في الشركه عسى ما شر ليكوووووون تعبان ولحد خبرني

ابو عمر يلاعب عمر وصد صوبهاااا : لا حبيبي بس توني ياي علشان اشل اوراق وبرد مره ثانية

ميره تيلس عدل و اطالع سااااعتهاااا وترفع راسهااااا : ابويه انا بسير بيت خالوه عايشه

ابو عمر يصد صوبهاااا : الحين حبيبي الظهر محد يزور حد ....ميرة تكمل كلامهااااا : سويره دقت لي قالت تعالي تغدي ويانا عاد انت تعرف ما ابى اكسر بخاطرهاااا هاي سارونه ....وتبتسم

عمر ينط : يمكن انتي مب معزومه تراج دومج ترزين بويهج ................ابوه يصد صوبه واتم يطالعه بنص عين : عمر حد يرمس اللي اكبر عنه جذيه وبعدين ما تستحى تقووووووووول لاختك جذابه يلا اعتذر لهاااااااااااا

عمرمات قهر دوم ابوه يغلطه قال بنفس ضايجه : آسف

ابو عمريقول لميره : ها ميرة شخبار الدراسه وياج

ميره : الحمد الله ترتوب اذاكر بس اليووووووم ماخذه بريك

ابو عمر يبتسم : تراااهن مب من بعدهن الامتحانات لا تتهاونين وانتي علمي موادج مب هينه وابى نسبة ترفع الراس وتسر الخاااطر

ميره ابتسمت ابتسامه واسعه : ان شاء الله يا ابويه .......وتصد صوب اخوهاااا عمر : ما بتروووح ويايه دومهااااا ساره تسال عنك تقوووووول ما تروح عندهم

عمر معصب : لا ما بروح

ابو عمر يكلم ميرة : ميره انتي قلتي لامج

ميره : هيه ابويه قلت لهااااا وتقوم واقفه وتشل حمد اخوهاااااااااااااااااااا .....وتكلم ابوهااااا : بشل حمد ويايه

ابو عمر : خلي كرتين تروح وياااااج

ميره : ان شاء الله مع انه ما من بعد المساااااااافه الا في الحارة اللي عدالنا و الحين الظهر ............ابو عمر : لا امايه خليها تروح وياج

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــ

هي يالسة ترتب غرفتهااا طوول عمرها ما تحب حد يصك أغراضهااااتحس حياتهااا ممله من سبع شهور فعلا هيه ما طلعت ولا راحت مكااان حتى بيت خالتهااا ما راحت صدت على الصوره فوق الكوميدينو ويلست تتأملهاااااا فتره وسارت صوبهاااا وشلت الصورة ويلست على الشبرية وحضنتهااااا كانت تحس بالامان في حضنه الحين تحس انهااا خايفه من كل شي رغم وجووود امهاااا بس هن حريم ما عندهن سند يتساندن عليه في هالحياة قامت وردت الصورة محلهااااااا وطاحت عينهاا عليه على الكتااااب اللي طالمااااا عبرت فيه عن مشااااعرهااا وحزنهااااا وفرحهااااا و آخر مره صكته بعد وفاة ابوهاااا بثلاث أيام ما عاد لها نفس تكتب فتحت على أول صفحه فيه هيه تموت في الشعر بس ما تكتبه تسمع وحافظه وايد يلست تتأمل الصفحة الاولى فيها رسومااات قلوووووب وورود وعين مدمعه ومكتوب فيهااااااا



((و الله فراق بعض الناس عادي وبعضهم يشبه فراق الروح فيناااا ))



((مستحيل اتخيل الدنيا بلاك انت لي مادام لي قلب خفوق ))



22/5/1998



هاي كتبتهااا يوم راحت أعز ربيعاتهاااا انتقلت امارة ثانية وكانت هييييه في أول ثانوي وايد حبتهااااا وما تصورت انهاااا يتفارقن تمن متواصلات سنتين عقب قطعن بعض ما تعرف أخبارهاااا صدق وحشتهااااا ويلست تتتذكر مواقفهن الله يوفقهاااا في حياتهاااا و الله ولهت عليها حييل بدلت عن الصفحة الاولى.............و في الثانيه يلست اطالعهااااا تذكرت سفرهم لفرنسااااا وكانت من احلى السفراااات بالنسبة لهاااااا تذكرت العايلة الاماراتية اللي كانوااا في الشقه اللي عدالهم اتذكرت ولدهم ناااصر ولا في عمره كلمهاااا بس كان كل شي فيه حلووووو وكانت معجبه فيه ابتسمت على ايااام المراهقه هم من دبي عنده ثلاث خوات نور ونوار ومنار كلهن اصغر عنهاااا كانت تشوفه وتراقبه هو داخل وطالع من الشقه ولا في عمره حتى صد صوبهاااا كان مغرور وشايف عمره وايد فجأة قرروا يسافرون لندن لانه ابوهاااا يا شغل مفاجئ هناك هيه زعلت وايد انهااا ما بتشوفه والحين مرن ست سنواااااااات ابتسمت الحين يمكن عرس وعنده عيال ويلست تقرأأبيات الشعر اللي كتبتهن في الدفتر



(( حاولت في قلبي وانا اقوووول بنساك واعيش دنياا في حياتي جديده

اثر الغلا ما تعجبه غير دنياك و القلب غيرك ما سكن في وريده ))





(( احاول النسيان لكن ما قويت يكفيني اني بنساك يا زين الطبوع

عذبتني بالصد و الله ما هقيت انك على فرقاي تقوى لو اسبوع ))



15/8/1998

سمعت صوت ميره يايه وابتسمت دومهاااا ميرة ربشه وحيويه بندت الدفتر وردته مكانه ونشت رايحه صوب الباب ودقت ميره الباب فتحتلها الباب ابتسمت لها ميره ادش الغرفة وتعطي حمد لساره

ميره وايهت ساره وراحت وعقت عمرهااا على الشبرية وتنافخ : اشحالج سارونه

ساره يالسه تبوس حمد وتسكر الباب وراهاااا : منيحه اشحالكم انتواااااا

ميره تعدل يلستهاااااا : نحن منيحين............ فديتهااا خالوه حصلتهااا تعابل ويا ليلاااا الغداااا

ساره اطالعها : عيييل وين كتبج اليووووووووم اشوفج ما يبتيهن

ميره تقوم تفسخ عباتهاااااا وتبتسم : اليووووووووووم عندي اجازه

ساره تبتسم لها وتقوووووم وتشوف حمد يرفع ايده و تشله: يلا انروح نشووووف امايه شوووو تعابل في المطبخ .........يهالولد مبزاي امره ما يبى يمشي على ريوله

ميره تبتسم : خليه يتبزاا من حقه اخر العنقووود يا لالوه

ابتسمت ساره وحبته على خده وقالت : فديته يااااااا ربي

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ

خلصت الجامعه من يومين وهيه ملانه اصلاااا البيت ممل جدااا امها وابوهااا يالعزبه يا المزرعه والا يالسين يسولفون سوالف ما تعيبهاااا يومين تحس انهن شهرين كانت واقفه جدااااام باب الصاله وسرحااانه يا ووقف يطالعهااا وما حست به فقرر يروعهاااا

هزاااع يصارخ : بووووووووووووووووووووووووو

شمسه تحط ايدهااا على اذنيهاااا :بس هزااااااااااااااااااااع

هزاع يضحك عليهااااا : انتي اتخبرج شووووووو موقفنج هنيه

شمسه مبوزه : و الله اني بصيح من الملل طفرانه من غرفتي للصاله للتلفزيون حتى الكومبيوتر مليته

هزاع حاس باخته كونهااا بنت ووحيده محد يسليهااااا ولا تشكي له همومهاااا لحد او اذا فيها شي : انزين اليووووم ياج عرض مجاني وين تبين تروحين

شمسه استانست وايد من الخاطر اصلاااا هزاع الوحيييييييييد الحنون اللي يحس فيهااا في هالبيت من يوومه : ما ادري أي مكااااان والا اقولك ودني بيت عموه شيخه عند الريم

هزاااااااااع بوز مايحب يروح بيت عمته اصلاااا هو ما يحب حمدان ريلهاااا: غيري

شمسه يلست اطالعه : عييييييييييييييييييل وين نروح

هزاااااع : شرايج اوديج بيت عمي راشد تيلسين ويااا ساره

شمسه ما تعودت تروح بيت عمهااا الا ويا امها وابوها وبعدين ما راحت لهم الا يمكن مرتين من بعد وفاة المرحوم : اوكييييييييه

هزااع : انا بطلع فوق غرفتي اتسبح وابدل انتي روحي تزهبي وخبري امايه انا بنروح بيت عمي

شمسه مستانسه وسايره صوب الدري تركض : هواااااااا

هزاع يبتسم ويتكلم بصوت عالي : الله يثبت العقل يا ناس نعمه

& & حميد اكبر واحد عمره 25 سنه ومن عقبه شمسه عمرهاااا 23 سنه آخر سنه في الجامعه وهيه اكبر من ساره بسنه وحده هزاع عمره 19 سنه سنه اولى جامعه وهو اصغر اخوانه&&
وجيه يوم يت الساعه خمس هم كانوااا طالعين سايرين صوب بيت عمهم من بعد ما استاذنت من ابوهااا وسمح الهااا بدون أي معااارضه مع انه مو من العاده عيييييييييل يوم تبى تسير عند الريم يحط لها الف حجه عسب ماااا تسير مب مشكله المهم اظهر من المللل و الضيج الله يعين هذي بدايه الاجازه بس لا تتوقع هالاجازة غير بيي حميد ولهت عليه وااااااااايد يلا عسى الله يوفقه ويرد لنا بالسلامه

قطع تفكيرهاااا صوت هزاع يقول : شمسه

شمسه تصد صوبه اخوها : نعم

هزاع يطالعهااا باستغرااااب اقولج نزلي وصلناااا بيت عمي

شمسه ابتسمت نزلت من السياره هيه ودخلواااا الحوش وسار هزاع صوب الميلس ووقف مكانه عقب ما سمع رمست شمسه

شمسه : هزاااااااع وين رايح

هزاع يصد صوبهااا ساير الميلس وين رايح بعد

شمسه تاشر عليه : تعال تعال بندخل الصاله

هزاع يطالع اخته اصلااااا هو يستحي ويخااف انه ساره تستحي منه اصلاااا هو ما شافهاااا الا مره وحده عقب وفاة ابوهاااا في العزااا : لالا فشله وين ادش داخل سيري انتي وانا بيلس في الميلس

سمعوا صوت والتفتوااا له باثنينهم ام سارةه تقول : مرحبااا الساااااااااع قربوا

مشت شمسة صوب حرمة عمهااا وتبعهاااا هزاع وسلموااا عليهاااا

ام هزاع تبتسم : مرحبتين حيا الله من يانا اشحالكم ابويه عساكم طيبين

هزاع :يسرج الحال عموه اشحالج وساره عساااكم طيبين

ام هزاع : الحمد الله بخير .............وتلف صوب الباب : تفضلوااا

شمسه تجدمت تبى تدخل وهزاع تم واقف مكانه قطعت وقفته صوت ام هزاع تقول : اقرب ابويه الصاله هذا بيت عمك اقرب

ودخلوا كلهم داخل الصاله ..........كانت واقفه فوق في البلكونه اطالع منو ياي عقب ما شافتهم صدت صووووووووب ساره تقول : هذي شمسه بنت عمج وحد ويااااااه ماااا ادري ولد يمكن اخوهااا ما اعرفه

وشويه يات الخدامة تقول لساره انها امها تباها تنزل ..قامت ساره ولبست شيلتها

ميرة تعق عمرها على الكنفه : بتودريني اروحي

ساره سايره صوب الباب : شووو تبيني اسوي لازم انزل جان تبين نزلي وياي

ميره اطالعهااا : لا و الله اونه نزلي جيه ولد عمج هناك سيري لاه

ساره طلعت : على كيفج ............ونزلت عنهاااا

قامت وسارت صوب التيلفون ودقت عليه

ميرة : وينهم هذولا محد انااااااااا ترا يقولون انا اتلبداله في البيت وابتسمت وشوي ردوا عليهااا

ميره تقول : الوووووووووووووووووووووو

ام عمر : الوووو ميروه عنبو من الظهر وانتي هناك تعالي بسج هياااااته وانا متفيزره اروحي وبعدج شاله حمد

ميرة تبلع ريجها هذي امهااا : هلا امايه انا مسوية جان ابويه هناك ايني ما فيني ايي امشي

ام عمر تيلس على الكرسي : لا محد ابوج مسير صوب المزرعة مطرشه عمر و الخدامه ياين صوبكم تعالي يلا وياه

ميرة: اوكيييييه امايه ان شاء الله .............وبندت عنهااااا

وفي صالة بيت المرحوم راشد يالسين يسولفون ساره وشمسه وهزاااع وام ساره راحت صوب المطبخ يسوون فواله هيه و الخدامة

وشويه سمعوااا صوت ودخل عليهم عمر اول ما شافته ساره ابتسمت له وقالت : تعال عمور تعال حبيبي

عمر يكمل طريقه وقال : السلام عليكم

ردوا عليه وسار صوب هزاع يوايه وعقب سار صوب ساره يسلم عليهااااا

ساره : وينك يا الخايس من زمان اسال عنك امره ما تيانا شو مشغوول والا زعلان وبعدين روح سلم على خالوه شمسه مب عيب عليك

سار عمر صوب شمسه وسلم عليها شمسه قالت : شحالك حبيبي

عمر مستحي : بخير الحمد الله .....وصد على ساره وقال : سارونه وينهاااا ميروه

ساره اطالعه : ميره فوق ليش شوووووو تباها

عمر : نبى نروح البيت امايه تباها و الحينه المغرب

ساره : شووووو بتروحون مشي

عمر : هييييييييييه ابويه مب مووووجود ساير صوب المزرعه ودخلت عليهم ام ساره وسار عمر يسلم عليهاااا

ام سارة : فديت يا ربي هالويه يا عمور وينك حبيبي من زمان ما سيرت صوبنا تعال حبيبي ايلس عدالي

هزاع : ما شاءالله هذا ولد أحمد

ساره : هيه

شمسه اطالع ساره تغيرت انحفت وايد وين ساره الاوليه صح نحن مب وايد وياهم بس كنت اشوفهااا في الجامعه كانت مرحه وحبوبه وايد وطول عمرهااا محبوبة من قبل الكل والواحد ينبهر من جمالها ورمستها ومرحهااا الكل يقول كل شي فيهااا حلوه صدت صوبهااا بصوت واطي : سارة

صدت لهااا سارة وابتسمت : نعم

شمسه اطالعها بنظره فيها حنان : ساره انتي تغيرتي وايد يا حياتي الدنيااا ما تنتهي بموت شخص سمعي نصيحة أخت أكبر منج أعرف اني ما لي دخل

سارة اطالعهاااا : لا تقولين جيه انتي اكثر من اختي وتعرفين اني اعزج يا شمسه وايد وانتي بنت عمي الوحيدة واعتبرج اختي لي ما يابتها امي

شمسه توطي صوتهاااا عسب محد يسمع : تصدقين كلامج خلاني استانس واني اكمل كلامي ساره انتي تعذبين عمرج لا تطلعين وودرتي الجامعه وانتي شكثر تحبين الدراسة وتكملين كل هذا استغنيتي عنه صح انج تحبين ابوووج بس مب هذا الحل يا غناتي اللي يريحه اكييييييييد في قبره ويريح امج المسكينه وانتي عاقلة واكبر من هذاااا كله و السموحه حياتي اعرف اني زودتهااا بس هاي نصيحه من اخت اكبر منج وتعزج حييييل نفس ما تعزيهااا والا ما قالت هالكلام اللي قالته واكبر عنك بيوووم اعرف عنك بسنه وهاي الدنياااا حياة وموت ......................ساره سرحانه تسمع كلام بنت عمهااا وتعرف انه هالصح وتعرف انها مب جذيه بتستمر الحياة وتنهدت وسكتت قطع تفكيرهم صوت هزاااع يقول : شو عندك تسرسن خبرنااا عنبووو عيب .مب صح عموه ................................ابتسمت ساره وقالت شمسة : مالك خص سوالف بنات

عمر يضحك بعفوية : وحليله قفطوووووووووووووووه شلك برمسة البنات

شمسه وساره ابتسمن يوم سمعن رمسة عمر

ام ساره : عيب عمور ترمس جذيه اللي اكبر منك

عمر مد بوزه مب قاصد بس صدق شدخله و قال : انا اسف

هزاااع : عااااااادي عموه هذا ياهل حليله

عمر يلس يطالعه بنظره ويقول في خاطره ياهل في عينك ونش واقف وقال : بروح اشوف ميروه نبى نروح امايه اروحها .....وسار فوق يشوف اخته

ام ساره كانن الافكار اللي يدورن في خاطرهااا شيخه وبطي قطعووووهم من 15 سنه ومااا شافتهم وبعد وفاة المرحووووم........... ابو حميد يسير عليهم بس شيخه يت يومين في العزااا وعقبهااا ما شافتهااا ولا سألت عنهم لو بتيلفوووووووون وقالت: شخبار شيخه وعيالها عساهم مرتاحين

شمسة : بخير الحمد الله يسرج حالهم

ام ساره : ان شاء الله دوم مب يوووووم

عقب قاموا هزاااع واخته يبون يترخصون تاخرواااا وهو مواعد ربعه

هزااع واقف : اسمحولنااااا بنترخص عنكم

ام ساره توقف : لا و الله ما تروحووووون لين ما تتعشون عندنا

شمسه : لا فديتج عموه اتاخرنااا ان شاء الله مره ثانيه الغاليه

ساره تتدخل وتقول : لا اتعشواااا عندنا ما صدقنااا نشوفكم عاد هزاع امره ما نشوفه

هزا ع يبتسم : افاااا بس و الله الجامعه شغلتناااا الحين افتكينااا اجازه وبتحصليني دوم مطيح عندكم بس الحين مواعد ربعي

ساره تبتسم : عادي تعذر منهم مب مشكله

ام ساره : خلاص حلفت ما تروحون يلسووااااا يا ابويه والا بزعل عليك

هزاع يرد ييلس ويبتسم : ان شاء الله عموه ونحن نقدر على زعلج

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ

في صوب ثاني بعيد عن الامارات في استراليااا دخل الشقه وملامح التعب في ويهااا وفسج جاكيته وعقه فوق الكنفه ويلس يطالع الشقه ويدور خالد بس ما حصله عقب سار المطبخ يدورله شي ياكله يوووعان ويتافف في خاطره اليوم الامتحان كان زفت بس الحمد الله على كل حال طلع عصير من الثلاجه وكروسون وراح الصاله ييلس وشغل التلفزيون ويلس يطالعه ما شي فيهاااا قام وبنده عقب شل التيلفوووون ويلس يدق على بيتهم من زمان ما رمسهم الحين تقريباااا من اسبوع وتم التيلفون يصيح ومحد رد عليه بند عقب دق مره ثانية ونفس الحاله محد شله وين راحوااا هذيلا وسوا تيلفون حق هزاااااااع وما طول في الرن ورد عليهاااا حميد : السلام عليكم

هزاع يبتسم : هلا و الله بحميد وعليكم السلام اشحالك

حميد يودر كوب العصير على الطاوله : الحمد الله اشحالكم انتواااا وينكم عن تيلفون البيت من الصبح ادق ومحد يرد

هزاااع : نحن في بيت عمي وابويه وامايه رايحين صوب العزبة

حميد عاقد حياته : عمي شوووووووو تسووون

هزاع : حميد الكل يسلم عليك وايد

حميد : الله يسلمك من الشر جيه منو عندك الحين

هزااااع : الله يسلمك شمسة وعموه عايشه وعمر

حميد : اهاااا اوكيييييييييه الحين بسكر عنك بسوي تيلفووون عقب عسب ارمس ابويه وامايه مره ثانيه سلم عليهم وايد

هزاع يبتسم : السلام يوصل في حفظ الرحمن .............وبند عنه

هزاااع يكلم الموجدين : يسلم عليكم وايد

شمسه : فدييت روحه يا ربي

ام ساره : الله يرد بالسلامه يا رب

نزلت من فوق ساره وميره متغشية عسب تروح بيتهم وشاله في حضنهااا حمد الراقد قااام عمر من مكانه يووووم شاف أخته

ميرة : السلام عليكم

الكل يرد عليها ووطئ هزاع راسه : وعليكم السلام و الرحمة

وتسير صوب شمسة تسلم عليهااااا عقب ما سلمت تقول لخالتها عايشه

ميرة : يلا مع السلامة خالوه

عايشه : يلا فديتج شوووو بتروحون تمشون

ميره : هيه الغاليه ما من بعد المسافه

عايشه : حمود راقد فديت روحه وين بتمشوووون لين هناك انزين تريي ابوج ايي عقب روحي ليش مستعيله

ميره : امايه اروحهاااا في البيت حليلها من الظهر مودرينهااااا يلا فمان الله شمسه اسميحيلي بس لازم اروح

شمسه تبتسم : فديت روحج مسموحه سلمي على خالوه ثريا وايد

ميره : السلام يوووووصل ........ومشى عمر ومشت هيييه وراه شاله حمد

قال هزااااع بعفوية لام ساره : بوصلهم انا يا عموه عاااادي مب مشكله

ميرة واصله عند الباب : مشكور اخويه يلا فمان اللله .......وطلعت عنهم

تقفط هزاااع واحمر ويهاااا مب منهااااا مني انا راز بويهي خلها تولي انا رحمتهاااا يوم بتمشي وشاله الياهل وياهاااااا

ساره مبتسمه دومهااااا ميره تعيبهاااا في رودوهاااا وجريئة وايد

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ

في بوظبي دار الظبي في بيت سهيل بن عيد (ابو مايد ) يالسه امها تحايلها عسب تظهر للضيوف فشله وهيه مب راضيه تطلع ومعانده

وخواتها يحاولن فيهاااا بس هااااااااااي مويز دومهااا جيه وتسوي من الحبة قبة في المستحى

موزه محمر ويها نشف ريجها من كثر تقول لا : امايه ما بظهر و الله استحي وبعدين منوووو قال اني ابى اعرس والا انعرض للحريم اونه يشوفني ما ابى امايه ماااا ابى

نورة : يا بنت الحلال اشفيهااااما بياكلنج قومي مويز بلا دلع

بخيته : مويز و الله انج ماصخه اونه استحي امايه يالسه تحايلج من الصبح وانتي مطفرتبهااااا

ام مايد نشت واقفه ومعصبة اليب ما نفع عندهاااااا : مويز الحين انا نازله عشر دقايق تتعدلين وتلمي هالكشه وتنزلين .......وطلعت عنها

موزه اطالع امهااا وهيه طالعه : ماااا ابى ا

بخيته : هذااا امر اداري ومخالفة القوانين تعرفي انه عقوبته جاسيه في هالبيت

نورة : مويز يلا فديتج قومي تلبسي لا تعصب امايه وبعدين هذيلا بس امه واخته ياين يشوفونج اشفيهااااا

موزه قامت تغسل ويهاااا وتبدل ثيابهاااا وتلعن على يارتهم سلامة وكالة أنباء الحارة هيه اللي مخبرااا هذيلا العرب عنهاااا ان شاء ما عيبهم انا شلي بالعرس من الحين وبعدين لا اعرفه ولا من اهلناااا شوووو ما ابى ......لبست كندوره مخورة وشيلتهاااا وكانت تبى تنزل وتمسكهااا نورة وتعقدهاااا عسب تحط لها مكيااااااااج خفيف وجحال بعد ما خلصواااا نزلت موزه وويه طماطه مستحيه ودشت ميلس الحريم وسلمت عليهم ويلست وياهم طبعااا حالتهااا حاله الام و الاخت طبعااا يالسات يتفحصنهااا ويطالعنهاااا قامت تبيب العصير و الفواله ويلست تضيفهن واما نورة وبخيته يراقبن من بعيد يلس يطالعهن مستغرب شو يسون هذيلااااا هنيه وراح صوبهن بشوي شويه مايد : بوووووووووووووو

تروعن من الصوت وكل وحده حطت ايدهاااا على قلبهاااا : رقيه وسكينه شوووو تسون هنيه

بخيته اطالعه وتقول : اشششش وطي حسك .......وتمسكه من ايده وتمسكه نورة من ايده ثانيه ويسرون صوب الصاله

مايد عاقد حياته : شووووووو اشفيكن يا المخبل ومنوووو داخل الميلس

نوره : هذيلا حريم يايات يطالعن موزة

ماايد عقد حياته زيادة : يطالعن موزه ليش اشفيهااااا

بخيته : يبووووووون يخطبونهااااااااااا

مايد : يخطبون مويز ........وابتسم وقال : هييييييييه الحين داخل

بخيته : اسكت يا ميووود من الصبح نتحاااااااااايل عليهااا مب راضية تظهر لهن

مايد : ليش ؟؟؟؟

نورة :انت ما تعرفهاااا مويز اونه تستحي

وشوية تدخل عليهم واطالعهم كل واحد ابتسامته بتشق حلجه واطالعتهم بنظره وخطفت عنهم صوب الدري طالعه فوووق

ويلسوااا يطالعووون بعضهم وينشن التوأم يركضن صوب فوووووق

مايد ووقف ساير صوب غرفته : صدق مخبل هالبنات

& &عامر بن سالم زوجته ظبية (أخت عايشه وثريا )عندها موزه عمرهاااا 23 سنه مخلصه السنه الكليةعقبها مايد عمره 21 سنه يدرس في كلية زايد العسكرية وعقبه التوأمين نورة وبخيته عمرهن 18 سنه في ثالث ثانوي &&

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــ

نزلت من فوق وحصلته توووه داخل الصاله ومحد موجووود فرصتهاااا تكلمه سارت صوبه و الابتسامة بتشق الحلج طالعها بنص عين يوم وصلت عنده قالت مزنه : هلا و الله بحبيبي يسور

ياسريقول في خاطره الله واكبر على مكر البنات : شووووو عندج مزنوه و الله راسي يعورني وما متفيج لج

مزنه تبتسم : يسور حبيبي اباك تشترى لي فيلم هندي

ياسر عقد حياته ودزهااا عند دربه : وخري عني لاعطيج بكس في عينج يا الخبلة اونه ..........ويغايظهاااااا: فيلم هندي

وخطف عنهااا ساير فوق وقالت مزنه بخبث: شووووو يسور ما بتشترالي

ياسرصد صوبهااا : سير لاه اونه اشترالي يا باباه دوري غيري....وركب الدري

مزنه بسرعه تتكلم وبتهديد : يسور تراني بخبر سلطان باللي شفته امس وانت ادرى

ياسر بلع ريجه سلطان والا هذي الخبلة شوووو تقصد ورجع يمشي صوبهااا مرتبك : شوووووو شفتي

مزنه : انت ادرى اشفيك خايف هدي عمرك ......ومشت عنه.وابتسمت ابتسامة انتصاروقالت : يووووم تطلع خبرني اخبرك اسم الفيلم اوكييييييييييييه

ووقف مكانه متبهت اكيييييد شافت شي علي والا ما بتكووووووووووووون واثقه من عمرهااا جذيه الله ياخذج يا مزنوه بس اذا ما ادبتج ما انا ياسربن حمدان

أتمنى أشوف رايكم في الجزئين
ودمتم بخير