السلام عليكم ورحمة الله وبركاتة,,,
سلام مربع ومثلث ومتوازي أضلاع للجميع بدون استثناء,,,
يعني بالعربي أسعد الله أوقاتكم بالخير ,,,
وكثر الله من أمثالك,,,
في البداية إليكم هذه النصايح علها تنفع فيكم <<< من أولها خربها
• عزيزي المواطن احترامك لإشارة المرور يقيك شر انفلونزا الطيور بإذن اللله.
• النوم باكرا يساعد على الوقاية من شر الحوادث .
• الصيانة الدورية لسيارتك من أسباب نجاح حياتك الزوجية.
طيب خوذوا هالقصة لتروحوا عن أنفسكم قليلا,,,
يحكي أن أحد أشقاءنا من أحد الدول العربية المجاورة كان معزومن على زواج هنا ومعه ولده الصغير
وبينما هم يتعشون التفت أخونا في الله ولقى ابنه طايح لك في هالرز أكل !!!! الأب ماعجبه هالشغل
والتفت على ولد وقاله: يابني سيبك م الرز وخليك في اللحمة ههههههههههههههههههه
على طاري اللحمة البارح صارت لي قصة عجيبة غريبة ولاقصص سندريلا والأربعين حرامي.
صحيت لكم من النوم الساعة الرابعة فجرا ذابحني الجوووووووووع قلت خلني أنزل تحت
عل وعسى ألقالي شي(ن) آكله يوم نزلت طبعا 67% نايم <<< ياعيني على الدقة
وأحكحك في شوشتي الناعمة وأنزلكم للصالة تحت طبعا الأنوار كانت طافية واتفاجأ
بشخص(ن) طويل مررررررة مر من جنبي وسلم.
رديت عليه السلام ووقفت شوي قلت في نفسي الشخص هذا ماهو غريب(ن) علي أنا وين شفته
ياربيييييييييييييييييييييي!!!؟ قعدت ساعة وأنا أفكر قلت خلني ألحقه وأسأله
وأجي وألقاه متكي في الصالة ومشغل التلفزيون قلت : يالحبيب لو سمحت ياخي أنا شايفك قبل هالمرة بس وين مادري بصراحة !؟
قال : أنت ساكن(ن) معنا بنفس البيت قلت : ايه فوق أول غرفة على يدك اليمين,
قام وضحك بقوووووووووووة.
وقال : ياخبل أنا أبوك قلت : لاياشيخ والله ياخي وأنا أقول وين شايفك وأنا اللي أضحك أنا وياه
وأمد له يدي قلت دق ياشيخ والله إنك فلللللللة يوم مديت يدي وهو اللي يصكني ذاك المخمس الله لايوريكم مادريت إلا وأنا مشمع في الجدار والتفت عليه قلت : يالحبيب طيب لاتدف !
عاد أبوي الشكوى لله وأجي وأتكي عنده واشوف حالته حالة وقاعد يحسب بيده قلت عسى ماشر
أشوفك متضايق!؟
وهو اللي يرفسني ببطني يوم طار الجوع مني! <<< أخبرها طار النوم !!!!!؟
قلت : عادي تمون <<< لاياشيخ قل قسم.طيب ليش العنف الحين وربي سؤال بريء يمكن أقدر أحل لك المشكلة
المهم وهو اللي يتنهد ذيك التنهيدة اللي حسيت إني قاعد قدام بليغ شوقي <<< يسمع أبو الشباب
قال ياخي أنا حالتي حالة لا أنام ليل ولانهار قلت : وش فيك عسى ماشر فضفض لي
اعتبرني مثل أخوك الكبير قل اللي في خاطرك
قال ياخي أرق ذبحني الأرق كل ماجيت أنام يطير مني النوم ودايم أفكر وأهوجس
وفكري مومعي يعني كني مع الناس بلحالي .
لا أتهنا لا بأكل ولابشرب, يعني متضااااااااااااااااااااايق جدااااااااااااااااا
هنا أنا ضحكت ضحكة طويللللللللللللللللللللللللللللللللللللللللللة وجيت لم أبوي وحطيت يدي على كتفه
قلت : ولايهمك هههاهههاهههها أثاري الموضوع كذا ومعقد المسائل وحالتك حالة
ومشكلتك بسيطة جدااااااااااااااااا
يالحبيب عرفنا علتك هههههههههه أنت شكلك تحب !!!؟
هنا بصراحة ياإخوان انقطع البث مادري وش اللي صار بس اللي أذكره إن أنوار البيت كأنها طفت
والدنيا سوداااااااااااااااااااااااااااااء وأشوف أهلي مسوين دائرة حولي والكل قاعد يصيح ويقولون:
مات .. مات..
وبعد السؤال والتحري عن اللي صار قالوا لي أهلي إني يوم طحت ذيك الطيحة الله لايعيدها لقوا التلفزيون ناشب(ن) في جبهتي بصراحة مادري ليش وش اللي جاب التلفزيون هنا!؟ شكل الوالد كان يمزح معي.
نصيحة سريعة هنا عزيزي المواطن :
إذا شفت أبوك صاحي بهالحزة من الليل عليك أخذ الحيطة والحذر فهنا عزيزي المواطن تكون الأخلاق
قافلة معه وينصح باتباع الخطوات التالية:
• عليك بالإبتعاد عنه قدر الإمكان يعني قرابة خمسة أمتار.
• ينصح بالتدرب على الطيران حتي يمكنك تفادي أي مواد طائرة في الهواء .
• شرب الماء الدافيء قبل النوم <<< من وين جايه ذي.
بس أنا إلى الحين ودي أعرف أبوي وش كان عنده ذيك الليلة <<< الظاهر إنك ماتبت
هذا بصراحة ياحبايبي اللي صار معي البارح يعني لا أحد يقول إني أبالغ نياهاهاها
<<< بس أنا اللي ودي أفهمه وش دخل اللحمة في هالموضوع !!!!؟؟؟؟؟؟
انتهى الموضوع وش تدور بعد ...
تحيتي...