سلام عليكم ورحمه الله وبركاته:-
اجتماع المدرسين:
المدير:شوفوا لكم حل مع ثالث جيم فشلوناا سمعتهم واصله اخر الدنيا وجانا كم انذار من الوزاره كله بسبب ثالث جيم وبكره بيجي موجه مخصوص عشانهم
الاستاذ شكيب الفستئاني(الفستقاني بالهجه الشاميه)شوف استاز تالت جيم مابيجي من ورا راسون الا المشاكل وانا باترح(اقترح) توزعنهم على المدارس
كل مدرسه ترمي شي تنين تلاتي وريح راسك اخي..ينط رايد الفصل(دحيم الاصفر)لاشعوريا..اصدي انا عندي فكره هايله حتحسن صورتهم اودام الموقه(الموجه)وحخليه يئول(يقول)ان كل الكلام الي سمعه كان اشاعات
المدير:بس شوف يادحيم هذي اخر مره لك انت وياهم ولا فصلتهم من المدرسه
وبشوف وش تسوي فيهم والا هم وش بيسون فيك(في اليوم الثاني موفاجأه)
طاابور الصباح:: مشهد الطابور المدرسه الطلاب صافين والمدرسين والمدير والموجه ودحيم الاصفر ماسك الميكرفون الاذاعه اليوم لثالث جيم المدير استغرب
والاستاذ شكيب :والله الي فشلنا..شكيب بستغراب ًتالت جيم العمى ويروح للاذاعه بسرعه طلاب صافين ويقولون ثالث جيم بيجبون العيد دحيم الاصفر يعطي الميكرفون لسنتوب الدب:ويقول زي متفقنا ورهم انكم اد المسوليه..
الاذاعه المدرسيه:سن توب الدب يجرب الميكرفون الو...الو اخوه ابو جلوى المعصقل من وراه ًحول.. حولً
سن توب الدب: مدير مدرستنا الفاضل ابائي المدرسين اخواني العيال:ابو جلوى ابو العصاقيل ودوى المجرح المفهي و الهلاس نت الدلخ ومفحط في اهلها ابو ريحه.. والاستاذشكيب يضرب سن توب الدب علي علباه طااااخ احكي ولاه؟؟
سن توب الدب:السلام عليك وحمه الله وبركاته اسعد الله صباحكم باليمن والبركات
وخير مانستهل به ايات عطره يتلوها الطالب ابو طلحه المطوع
يجي ابو طلحه المطوع ويقرا سوره قصيره بصوت عذب ورخيم
سن توب الدب:اما الان مع فقره هل تعلم مع مفحط في اهلها ابو ريحه.
يجي ابو ريحه ويقول بصوت عالي:هل تدري
هل تدري ان لذباب ست اعين
هل تدري ولا ماتدري ان الفار يصاب بمرض الطاعون
هل تدري ولا ماتدري ان الصرصور اذا قطع شواربه يخبط في الجدران
هلا تدري ولا ماتدري ان كل قطو له برميل زباله مخصص له يسكن فيه (وانتم كرامه)
سن توب الدب:اما الان مع حكمه اليوم مع دوى المجرح المفهي(الفاغر)
دوى المجروح المفهي يقرب..يمسك الميكرفون بيد وباليد الثانيه وفي مخباه يتحوس يدور ورقه حكمه اليوم ويطلع ورقه ويقول::حكمه اليوم ويفتح الورقه ويقرا بصوت عالي (البضاعه المباعه لاترد ولا تستبدل)ويسكت شوي ويقول (شماغ,ثوب,طاقيتين,فنيله, علاق,شراب عايله,سروال سنه,وهو جالس يقرا الا وذاك الكف على علباه من الاستاذ شكيب وهو يقول(العمى شو ولاه)طلع الوراه(الورقه)التانيه الي فيه الحكمه مو فاتوره ملابسك دوى المجروح المفهي :طيب طيب ويدخل الفاتوره في مخباه
سن توب الدب: اما الان مع كلمت الصباح مع الطالب :اخوي ابو جلوى ابو العصاقيل
ويفتح ابو جلوى ملف اخضر علاق ويقرا
اعزائي المشاهدين موضوع حلقه اليوم عن العطله الصيفيه(مدمن فضائيات )
لقد رحنا انا واهلي الى بلدي الثاني لبنان
سن توب الدب:تراه تسذوب(كذاب)بالعطله رحنا لخوالي في رماح
وانا اسحب واكمل واقول ان سن توب الدب لم يكن معنااا واطلع لساني لسنتوب ..( عاش مصرف )
رحنا على الطياره وكانت امي خايفه جدا لنهاا اول مره تركبهااا بس انا اصلا دايم اركبهاا(نصااب ولا عمري ركبتهاا) وفي الطياره جت شغاله الطياره وجابت لنا القهوه وشاهي ثم جت وقالت تمو على عشاكم وقلطناا في المقلط مع العفش وكان الطيار واقف فوق روسنا ماسك اللبن ويقول يالله انك تحيهم وكان مفطح شهي وخلصنا وغسلنا وكان مساعد الطيار ماسك الفوطه(المنشفه)والطيب وعود الاسنان
وعندما وصلنا الى مطار الملك خالد حقهم ذهبت لتختيم الجوزات والرخصه والا ستماره وكنت اتحدث لغتهم بطفاقه لان امي وابوي مامعهم لغه
وقال العسكري جواز مين هيدا قلت بيي(ابوي) وقال وهيدا قلت ميي (امي) وقال وهيدا قلت خيي (اخوي) وقال هيدا قلت نيي(انا) وكان جوازي وقال ابوي مشالله عليك ياوليدي تتكلم بلغه البنانيه الفصحى والتفت عليه وقلتله(اي لاكان) ثم التفت على البناني وقلت له ترى انا سعودي ماني زيكم وكان مستغرب يحسبني لبناني
وفي لبنان سكنا في مدينه بيروت مشيط (خميس مشيط) وكانت مدينه جميله وفيها زرع بكل مكان ماتشوف التراب عشان كذا ماتشوف الاشهب(الاسود) تمشينا في منطقهاا السياحيه وذهبنا الى البنانيه والحريريه(المملكه والفيصليه)وركبناا كوره الحريريه وناظرت كل الدول وشفت دوله ماعرفتهاا يوم دققت قريت مكتوب عليهاا بور سعيد (وش جاب بور سعيد البنان) ثم ذهبنا الى الاهرامات (والله اني مهوي) وكل واحد منا ركب على اصبع انا ركبت على الخنصر واخواني على البنصر سن توب الدب على الوسطى (تو تقول سن توب ماراح معنا والله النصب) يلتفت لي سن توب اجل رحنا لخولي هاا؟؟ اما ابوي ركب على ابو الهول وكانت رحله سعيده ورجعناا على السياره ومرينا تونس الخضراء والسودان السوداء وعبينا بنزين بعشره ريال لنا فلسنا الا ان وصلناا وبالرفاه والبنين؟؟؟
والى القاء في الحلقه القادمه
سن توب الدب: اما الان( ولا صوت الجوال يدق في مخبا سن توب الدب) ويطلع الجوال وكان قريب من الميكرفون عشان كذااا كان الصوت واضح للجميع
صوت حرمه:: الووو*
سن توب الدب: هلا والله بهالصوت*(( تعرفون لعبته سن توب)
الحرمه:وجع يمصع بطنك ويكسر ضلوعك انا امك حصيصه؟؟؟
وتم بحمد الله فصل كل من
سن توب الدب ؛؛ ابو جلوى ابو العصاقيل ؛؛ دوى المجروح المفهي ؛؛ الهلاس نت الدلخ؛؛ مفحط في اهلها ابو ريحه
وقاموا بشوت ايضا الاستاذ دحيم الاصفر لان هو اللي وهقنا
وصارت نهايتنا
نبيع(جح) حبحب في الشوارع
وٍشـــــــــــكــــــــــــرٍا
هههههههههههههههههههههههههههههههههههههههههههههههههه ههههههههههههه
سي يو