السلام عليكم ورحمة الله وبركاته
اخواني وخواتي قصدي الصبايا الي هون
<----- اخس يالحمصي

ابي اقولكم قصة انقطاعي عنكم وانتم احكمو معاي عذر والا لا

هذا ياطويلين العمر والسلامه
اخر مره كنت فيها بالمنتدى هو يوم الجمعه الماضيه لا اعلم الموافق كم انذاك

كنت اطقطق بالمنتدى شحلاتي ولاهي معاكم ومندمج بالردود وكتابة مواضيع بالقسم هذا فجئه دق علي الباب ورحت افتحه وبعد مافتحته لقيت بنتين قلت لهم وبكل اناقه وادب امرو شبغيتو قالت وحده منهم انت ذكريات قلت ايه نعم اختي امري قالت خوياك فلان وفلان وفلان خربت سيارتهم ويبونك ظروري قلت لهن وانت شدراكن قالت بسرعه نقولك كل شي بالطريق قلت اوكي الحين اجيب مفتاح السياره واجيكم قالو معانا سياره اركب بسرعه وخلنا نروح لهم قلت يالله وانا اركب معاهم وبنص الطريق سالتهم وين الشباب الا وحده طلعت سكين وقالت اي كلمه اطلق عليك النار قلت طيب وش السالفه قالت اسكت بس انت تسمع والا لاا قلت ابشري وانا خايف واتراعد مدري وش السالفه وغطو عيوني بخبه لونها ازرق فجئه وقفت السياره وانا ازارط بريقي وخايف
وشالو عن عيوني الخبه الا خمسه وتسعين بنت بشقه جالسات يضحكن قلت وين خوياي الا وحده تزن والله اعلم خمسه وثمانين كيلو قالت ولا كلمه اوكي قلت اوكي بس شتبون فيني قالت اخيراً قدرت اجيبك ياذكريات يامعقد البنات بجمالك قلت شسويت لك انا قالت ذبحتني بحلاتك وحلفت اني اكون اول بنت تخطفك قبل ملايين البنات الي يخططون عليك قلت طيب شتبين مني قالت تشوف البنات الي هنا كلهن قلت ايه قالت كلهن يتمنون يقعدون معك لحظه بس انا الكل بالكل هنا وابيك لي لحالي هنا صابتني رعده قمت اتراعد بشكل فضيع وخايف والعرق يصب من جبهتي بكثافه قالت للبنات خوذوه وحطوه بالغرفه الي قلت لكم عليها واخذوني البنات وحطوني بالغرفه وهم يتغامزون بين بعضهم ويقولون ياحظ فلانه الي هي الرائيسه راح تقعد مع ذكريات لحالها وحطوني بالغرفه وسكرو الباب وانا ماني فاهم شي

فجئه فتحت الباب الرئيسه وقالت صدقني كل مايسولفون عنك البنات انقهر واقول ماحد ياخذه مني بكل مكان البنات ماعندهم سالفه غير ذكريات راح وجاء ذكريات يخرب بيتك وش هالجمال الي فيك عقدت البنات كلهن
قلت صدقيني انا مسكين والجمال هذا من الله مو بيدي ولا بيدك وصدقيني ياليت ما اكون حلو علشان اصير انسان عادي مثل اي انسان

قالت ذكريات نفسي تكلم لي عن نفسك اكثر قلت لها ماعندي شي اقوله غير لو عندك اخوان ترضين بنت تخطفهم قالت انثبر ولاتجيب طاري اخواني على لسانك اخواني اشرف من الشرف قلت طيب شتبين مني قالت حصه ومشاعل تعالو
الا جت حصه ومشاعل وقالو امري تبين الحين والا شوي قالت ايه الحين

وقربت مني حصه وقربت مشاعل ومسكوني وانا اصرخ تكفون لااااااااااااااااااااااااااااااا







فجئه لقيت نفسي لحالي بالشقه بعد اسبوع كامل نمته ادور احد اكلمه مالقيت غير رساله مكتوب فيها



ضاااع مستقبلك ياذكريات








ومن قعدت للحين وانا افكر بالرساله ماني فاهم قصدها




واليوم العصر دقت علي تلفون وقالت لي افهمك شمعنى ضاع مستقبلك قلت لها ياليت ابوس راسك قولي




تذكر يوم جتك حصه ومشاعل قلت ايه وش سويتو فيني قالت اصبر شوي لاتستعجل
تذكر والا لاا قلت ايه قالت طقتك مشاعل ابره ونومتك وسرقنا انا وحصه بطاقة الصراف منك وسحبنا راتبك كله

بكذا الشهر هذا راح تشحذ فاهم والا لاا


وانتهت القصه كلها ونصيحه لكل شاب انه ينتبه من كيد البنات ولايفتح الباب لاحد غريب


حسبي الله ونعم الوكيل