حبيبي شوف بيتي ما ينجبر بدونك
وشوف قافي جزيل بطاري مزاياك
وشوفني كيف انتخي بيتي يصونك
وشوفني اسهر الليل انظم مراياك
ياكود اكسب شيٍ بخيسٍ من فتونك
يمر على بالي اكتبه يليق بمحياك
وشوفني ليا كتبت شعري يجونك
حروفٍ كنها الدمع توصف شفاياك
اصونها واحليها من فيضة جنونك
وبنزوة ركادك ابثها تضفي حنياك
انا ليا كتبت شعري تمطر مزونك
ويرتي قرطاسي والقلم يقول حياك
تربع على سطري وبعثر شجونك
و(سم) فنجالي من دلةٍ ظمت نواياك
بيتي والقصيده غصب يحبونك
لانها تسري بشرايين شعري حلاياك
اخاف عيون حروفي يصيبونك
وافتقد ملهم الشعر واحتظن مناياك
نخيت اوتار عودي بلهفه يضمونك
لقيت اوتاري ترتعش بالفرح وياك
غنت مواويل لجل نظرة عيونك
والريشه تراقب يا ترا هذي سواياك.!
ترتجي لي الاوتار بينهم يخلونك
يقضون سهرة طرب تطلب روياك
قرطاسي والعود بالقرب يكفونك
وحبري والقلم يمدون .. هذي هداياك
وش نوع الاغاني الي يحتوونك
وش نوع الشعر الي يلملم شضاياك
احترت بك وين اوديها طعونك
حتى الطبيب اعتذر يوم شاف سواياك
اجهرت البصر من نورٍ يبثه نونك
احترت ووالله احترت بك بس كفاياك
احترت بك وودي اعرف مضمونك
سويت كل السوايا لجل ابصر مزاياك
ارجع لقلبي هو حبيبك ومضنونك
ارجع وكافي كل الي تسويه خفاياك
نص وارف الجمال ...رائع جدا ماخطته يمينك لاعدمناك
تخطيت حدود الابداع ....اتمنى ان ارى جديدك
دمت بكل الحب
اخوك.فيصل بن محمد |