هذا قسم للصرقعه ايشي من هذا القبيل تلقونه هنا انشاء الله والي يبي يشارك مانقول لا هههههههههه تكفون....
نكت ...مواقف... قصه مضحكه.... فقشات على الطاير .
الي تامرون فيه حاضر ....
شعارنا :
@@@@@ ازحف تزحف لك الحياة @@@@@



اتمنى تعجبكم





حبايبي شوفوا فيثاغورس قبل ما يموت

( يا بعدي والله فيثاغورس )

حس انه بيكون صرقعة في الدنيا وغزل ومن هالكلام فقال :

لازم أعطيهم وجهة نظري في الموضوع....

اليكم الموضوع

المشهد الأول /

الولد هشام ويدلعونه مذوبهم

البنت الفطمي ويدلعونها أيضا الفطمي ..

(واذا راحوا لخوالهم بجده يسمونها فتوو )

يدق جوال الفطمي وتنقز تشوف الرقم ..

مكتوب (ماي لووف كالينق يو) ..

وتتشقق من فرط الوناسة ..

وتروح تشرب موية ..عشان تضبط صوتها ..

وربع ساعة تتنحنح لين بغى يطلع مصيرها الثالثطعش (يشبه الإثنى عشر)..

عقب ماخلصت من سمكرة الصوت .. الا الجوال خلص من الدق..

وتضطر تروح تدق ..

الفطمي:الوووووووووووووووه

هشام:أهلين .. يا أحلى الووه

(كان مواعدها بالممشى في طريق الامير عبدالله وماجاب خبرها ودقت عليه)

الفطمي:حياتي وينك ..بسم الله عليك ..وراك ماجيت ؟

هشام:الا جيت ..أنا اللي معه فياقرا

الفطمي:ماشفت فياقرات

هشام:ايه موقفها بعيد ..أخاف عليها (جاي بكرسيدا حقت واحد من العيال بعد)

جا هشام ..وشاف الفطمي ..وطلعت بنت حلوة ..

وطاحت بذا الخربطة ..مع واحد الضمير عنده مستتر مرفوع بالنصبة الظاهرة..

مما سبق نستنتج أن:

ملكع + دلخة = ضياع مستقبل الدلخة

**************

المشهد الثاني /

الولد اسمه طارق ويدلعونه طروقي

البنت اسمها سارة ويدلعونها سوسو

كان طروقي ..

ولد ناس ومطخطخ ..يتمتع بغباء قاتل ..

حبيب ووسيم ..على نياته ..باختصار دلخ ووسيم ..ومعه فلوس

سارة ..بنت ذهينة ..لعابة ..تحب الإستعراض

كان طروقي يتمشي هو وأمه بالسوق ومر من عند سارة وصديقاتها ..

قالت سارة:تتحدوني اليوم أخلي هالحلو يكلمني واسحبه على وجهه بعد ؟..

وفعلا السيد طروقي ماهي الا سبع ثواني الا هو رايح وطي ..

بعد ما مارست عليه سارة أسلوب التخقيق وهو له علاقة طردية ..

حسب مبدأ سقراط (بدأ النصب).. وبعد ما أنتهى فاصل الترزز ..

جت أول مكالمهة..

سارهة:أهلين ..ياحلو ..كيفك عيوني؟

طروقي:هاه ..ايه تمام ..أهم شي اني أسمع صوتك ..

وااا قلبي ماني مصدق اني أكلمك

(كان قاعد جنب المكيف ..ومجهز ورقة فيها حكى كثير ..

(والهوا طير الورقة وتوهق)

سارة:ليه ياقلبي وحبيبي (يوم قالت حبيبي بدأ يكبر خشمه وأصيب بانقطاع الرباط الصليبي بكوعه)

طروقي:أحبك ..يا أحلى شي ..

سارة:(وهي تنتظر هشام يدق على الهاتف الثابت)

هاهاهاااااااي ..يعني لو أطلب منك أي شي تسويه؟

طروقي:لو تبين أعطيك أبوي ..عادي..

سارة:لا مابي أبوك..أبيك تسدد فاتورة جوالي..وبس (بدينا)

وهنا دق هشام ..على خويته سارة..

وطروقي ..من الصباحية وهو طاق اللطمة وصاف طابور بالبنك ..يبي يسدد الفاتورة ..

وأنواع البلاهة من كثر التفكير بسارة

مما سبق نستنتج أن:

دلخ + نصابة = حالة تطفير تصيب الدلخ ...(قلعته يستاهل)

***************

المشهد الثالث /

الولد اسمه بندر

والبنت اسمها بدور

تعرفوا على بعض بالأنترنت ..ويدق عليها من التلفون الثابت

بندر :مساء الخير ..يا أحلى طير ..وأغلى بدور شفتها ..وحبي الأول والأخير..

بدور :هاهاااااااااي أنا كنت أمشي مادريت الا نواف التمياط جنبي ..يبيني آخذ رقمه ..

رفضت بالأول بس خفت انه يتأثر نفسياً ولا يلعب زين بمباراة الكاس

(مصطفى ادريس سبق وشرى ببسي من البقالة اللي بحارتهم)

بندر :يالله عيوني ..أنا بروح الحين عندي موعد الوليد بن طلال يبي سلف (مافيه راعي بقالة الا ويطلبه خمس مية)

بدور :وأنا بعد بروح أشوف الخدم والطباخ وش مسوين عشا

(أم جيرانهم زارتهم مرة من المرات ومعها شغالتها وأعتبر ذاك اليوم من الأيام التاريخية)

مما سبق نستنتج أن:

نصاب + نصابة = صواريخ ليس لها نظير


****************

المشهد الرابع /

الولد اسمه مبارك ويدلعونه فؤاد

والبنت اسمها مبروكة ويدلعونها أريج

مبارك ..صاحب الإبتسامة التي لاتمت للجمال بصلة ..

ينتظر اتصال صديقته مبروكه ..وهم متواعدين انها تدق على الجوال ..

فهو من الذهانة..كان حاط الجوال على الصامت

والآنسة مبروكة قاعد ترسله مسجات بالجوال تبي تقوله أدق وأسكر والا أدق وترد علي؟

وفي خضم هذه الحالة من الأستدلاخ الجماعي بين الأثنين ..أخيرا قدروا يكلمون بعض ..

وفي ذلك اليوم واحد من اللي يشتغلون بالأتصالات أغمي عليه من كثر ما اتصل عليه مبارك..

المهم خلال المكالمه الأولى اتفقوا على انهم يشوفون بعض ..

واخيرا شافت مبروكه مبارك ..وحصل اللقاء العاطفي المفعم بكل ماتحمله كلمات الإشتياق من معنى

وكان جمس الهيئه قاعد يناظرهم ..متكي على الكبوت ..يمتع ناظريه بهالمشهد ..

وانتهى مبارك وخشته لاصقه بقزازة الجمس من ورا ..ومبروكه بغرفة الهيئه الفرع النسائي..

مما سبق نستنتج أن:

دلخ + دلخة = جمس الهيئة

هههههههههههههههههههههههه تهي تهي تهي تهي تهي تهي
{ 2}{ 2}{ 2}{ 2}
تحياتي
قلبي يالشلهوب