[ALIGN=CENTER]هلا فيكم جميعن..سواء كنتم بزارين ولا بزارين خخخخخخخخ
قصدي فاضين ولا مو فاضين خخخخخخخخخ
جيت هالمره ومعي موضوع على كيف كيف ام اللي جابوك خخخخخخخخخخخخخ
بيقلع بكم بس عا الكذب خيبه
هالموضوع لاااااااااطشه من منتدي واللي كاتبه مو اي عضو اللي كاتبه مشرف
شفتووو مو هين عوكل يسرق مواضيه مشرفين خخخخخخخخخخخخخ
اقول لا يكثر انت وياه اقرووو الموضوع ورودو خخخخخخخخخخخ
من ايام الصيف الجميله المنعشه وخيوط الشمس تتمشى بين خشش الناس التي تتدربى في الشوارع والأزقه والورعان يتنافسون على من هو الاسرع تكوير(ن) للنغافه .. يومها كان سكنميني منسدح عند صديق العمر والطفولة اللمبي في ملحقهم وكان اللمبي وقتها ينغف وهو يتابع فلم ثقافي عن الادغال على القناة الثانية ومنسجم معه (( هو فلم وثائقي بس هم من اول مايعرفون الا ثقافي )).. اما سكنميني فكان مبتلش مع اخو اللمبي الصغير اللي كان غاثة وغصب يبي يلعب معه ووسكنميني يداعـبه باسـتهبال كود انه يزهق ويفك عنه لكن مافي فايده كل ماله ويزيد ..احيان يجيه يحبي ويقلد له صوت قطو ولا صوت خروف بس احيان يطري عليه ابليس ويطلع من الملحق ويستغـفل سكنميني يشوفه يناظر التلفزيون وما يوعى السكنميني الا بهاللي جاي له مسرع تقل قطار الموت حتى انه يطلع دخان من قمة راسه ويطب على صدره بركبته .. هو صحيح خفس صدره بس برضو سكنميني ما عصب وابتسم له ابتسامة صفرا وآخذه على قد عقله وقال له احلى احلى كاراتيه يابن الكلب .. ويستكمل المسلسل حيث انه احيان يجيه ويتفل عليه وينحاش وبعد من زود الدلع يوقف بعيد ويطلع له لسانه ويرقـص .. وصديقه اللمبي مهوب حوله ولا هو حاس باللي قاعد يصير حواليه لانه مشغول بالحفر واخراج المصاقيل من خشمه ونبلها على التلفزيون ..
المراد ان هالبزر رافع(ن) من ضغط السكنميني وسكنميني يحول مستحي يقوم يلحقه ويتوطى ببطنه قدام اخوه التسبير وذاك مستغل الفرصة ومبسوط على الآخر .. لدرجة انه صار يجيب نعله ويزرفها على خشته والولد صويب وما يضرب سكنميني الا في اماكن حساسه .. وآخر مره جاه ومعه لووح كله مسامير عندها انصفق سكنميني وقال بخاطره يا واد ياسكنميني يازعـم طالع رجال وثقيل انت وخشتك ترا ماراح تنفعك هالرجوله لاجاء هالبزر وشلخ وجهك بهاللووح .. فأخذ يتحايل عليه ويقول له تعااا حبيبي تعااا عندي لك حلاو وكاكاو تعال خذهم .. ولكن في خشاخش نفسه كان يبيه يجي بس عشان يفقع وجهه بس الولد طلع ذكي وما جاه .. فاستغل هيس انشغال اللمبي وقام مسرع وقفط الولد مع اللوح وحطه تحت اباطه وطـلع وياه برا الملحق ومسكه من مقفاه وقال له لعنبو شيطانك انت احد موصيك علي .. قال الولد اييه !!.. قال سكنميني منوو ؟؟؟.. قال الولد انا !!.. قال سكنميني ورا ما تحل عني .. قال الولد ليه هو الواجب صعب .. قال سكنميني زين انا اوريك ياوجه العنز .. ويمحطه على مقفاه وتوه بيفرشه على الارض الا ويطلع لهما اللمبي فاق خشته ينغف وقال وش عندكم ؟؟؟..
فتفاجئ سكنميني وانخرش من الخوف وقال بخاطره ول عـز الله رحنا فيها وش بيفكنا من هالفقمه الحين .. وقال له ما نسوي شي بس شوف اخوك قاعد يلعب بالمسامير .. فيفك اللمبي خشته اكثر يزعم معصب وقال لاخوه انا ما قلت لك الف مره يا حمار لاعاد اشوفك تلعب بالمسامير هاااه .. ويناظره نظرة ضب معصب ويأشر له بصبعه بمعنى انقلع داخل .. وينقلع الولد رغم احتجاجه ويرد سكنميني مع اللمبي يدخلون للملحق واثناء دخولهم التفت اللمبي على سكنميني وقاله ترررعععع عـاد تصدق يا ياالسكنميني والله ما اصدق ياللمبي ؟؟؟.. قال اللمبي ي لا بس اسمعني .. قال سكنميني ريحة فمك خايسة وخر عني .. قال اللمبي ورا ما تسد بوزك وتنثبر .. قال سكنميني عناد(ن) لك راح امد بوزي شبر ..قال اللمبي لعنبوه بوز وقسم ودي ادوسه .. قال سكنميني يارجال لاتستحي قول انك تبي بوسه .. قال اللمبي وععععع كلك تبن لااطردك برا .. قال سكنميني امعصي يلا بسرعه احتسي ولا اكل خرا (( انواع النذاله مع بعض ))..
قال اللمبي الا ما تلاحظ معي ان الجو اصبح حار(ن) هذه الايام وهذا البسي ليس بزين اشتريه بريال ومايمديني اشربه بقيمة نصف ريال الا ويصبح حار (( مهوب عاقل نيوتن )).. قالسكنميني ويلك وما تقول وماذا يعني هذا (( اعداه اللمبي )).. قال اللمبي يعـني حـنا من يوم ما تخرجنا منسدحين فيذا لا دراسة ولا شغلة ما تقولي وش آخرها هالدشـاره ؟؟؟.. قال عوكل آخرها البطل بيحب البطله وبشار بيلقى امه خخخخخخخخخ .. قال اللمبي يارجال انطم لااجي الحين اتوطى في بطنك واسمع ترا فيه تقديم بالجبيل فجهز نفسك عشان بنروح نقدم .. قال سكنميني وش نقدم ؟؟.. قالاللمبي بنقدم شاي وماي الشهادة يالوح .. قال سكنميني طيب وش هالكلية اللي راح تقبلنا من غير مجموع وانت تدري ان ادلخ اثنين كانوا بالمدرسه انت ومن بعدك انا يعني زين انهم نجحونا .. قال اللمبي انا داري من يوم ما شفتك وانا اقول سنحة هالبومه الافغانيه ما وراها خير بس اسمع حنا بنقدم واللي مكتوب لنا بيصير وبنقبل اي قسم يحطونا فيه حتى لو كان قسم آثار .. قال سكنميني ايييه قصدك آثار الحكيـم !!.. قال اللمبي والله الشرهه مهيب عليك الشررهه علي قاعد اكلمك يالثور انت ووجهك اللي تسنه وجه تكرونية تاكل عسكريم !!.. قال سكنميني طيب بس ماتلاحظ ان حنا ماسكين بعض من البداية تناديني سكنميني واناديك اللمبي ياخوي احس انها مالها داعي ولااا ؟؟؟.. تلعثم اللمبي ورفع حاجبيه وهو حاك(ن) طرف خشمه وقال والله مدري عوكل هو اللي كاتب الموضوع ورا ماتروح تسأله !!!.. فانخرس سكنميني وسلم الطاره خوف(ن) من غضب عوكل يقوم يقشعه من الموضوع (( عارف انه ما منك رجا ))..
في البدايه كان سكنميني رافض الفكرة قلب(ن) وقالب(ن) هو وش له بالدراسه وعوار الراس هو يالله تخرج ونجح من الثانوية حتى انه يوم راح يشوف اسمه بالجريدة لقى مكتوب جمب اسمه < ناجح بس ما ندري من مين غاش ؟؟؟ >.. فدرعم سكنميني الى بيته وضـف عفشه حتى انه ما سلم على اهله يقول من زينهم عاد زهقت منهم ومن مقابل خششهم خلاص ابروح آخذ فتره استراحه بعيد عنهم .. واثناء ماكان طالع من البيت ورايح لصديقه اللمبي لمح راس يطل من فوق السطح فأول ماجاء على باله ان يكون حرامي ، فقام ولقط عصاه مرميه عالارض ورجع البيت ودرعـم بالسطح ويوم ناظر فيه لقى واحد متكي معه زمزميه شاهي ولابس صروال الفالح ايام المنتخب كاس آسيا 84 وقاعد يطلطل على بنت الجيران .. فقرب منه هيس وهو يمشي على اطراف اصابع رجله تسنه بزر سارق مفتاح سيارة ابوه وهو نايم وبيطلع من الغرفه .. ولما وصل عنده مسكه مع علباه وقال له خييييير ؟؟؟..
تسان يلتفت هالواحد عليه ويطلع السربوت اخوه التسبير سلطان >>الاخ الافتراضي<<< .... واللي خزه بنظره حس بعدها سكنميني انه لزم(ن) عليه يدخل صالة حديد عشان بس يخز زيه .. ويقوم يمسكه اخوه مع رقبته ويرفعه عن الارض ويثبته على الجدار ومن اللخمه قال السربوت ورا ما رحت صليت صلاة الجمعةيالسكنميني ؟؟؟.. قال سكنميني يالمفهي ترا اليوم الاثنين .. فيفلته ووجهه منعفط ما يدري وش يصرف وقال ما تدري ان اليوم بيطلع مذنب هالي .. قال سكنميني لا اجل بروح اعلم ابوي عشان يجي يصمخك مع ذنبك .. قال له وش قلت تبيني الحين آخذ هالعصاه اللي عندك وامحطك فيها .. تسان يوم شاف سكنميني ان الدعوة فيها تمحيط قال لا وش دعوة امزح معاك حنا اخوان ولازم نداري على بعض صح .. قال السربوت ايييه صح لازم خلك ذيب .. قال سكنميني يعني اي شي نسويه موو لازم ابوي يدري فيه صح .. قال السربوت اييه اييه صح اثرك ذيبي السكنميني ذيب .. قال سكنميني عوووو عوووو .. ومشى عنه تسان وهو نازل من فوق السطح طرت في باله فكرة وجاب ورقة وكتب
7
7
7
7
7
عائلة آل سرسري الكريمة .. ابوي الفاضل السلام عليكم وعليكم السلام ..
احب اعلمك .. ان ولدك السربوت الكبير ، اللي وجهه تسنه بعير ، قاعد فوق السطح يطلطل على بنت جارنا بوسمير .. وانت ياغافل لك الله نايم على براطمك ولاتدري وش يصير .. فالحق عليه قبل ماتوصل المسائـل للمغازل .. ويعمل لنا فضيحة بجلاجل .. مع ملاحظة لا تشق الصروال اللي هو لابسه ترا حقي .. ابنك المخلص سكنميني المحترم ,, 7
7
7
7
7
7
7
صل عالدكتوراه بتطـب ولا اشلون .. قالاللمبي لا بطـب الشكوى لله ..
واخذها وراح يدور على ابوه (( ما يصلح يصير اخـو )).. ويلقاه منسدح بالمجلس لابس نظارته اللي من كبرها داعية تسنها دربيل وفاتح التلفزيون على الـ LBC عشان يقز صـح .. تسان يوم قرب منه لقاه نايم فمسك الورقة وعلقها على النظاره عشان لاقام من نومه يشوفها مضبوط ، وراح عـند باب المجلس وصفع به بقوة الين ما سمع صوت ابوه من ورا الباب يقول ووووجعععععع .. قال بخاطره بس ضبطت الخطة (( ذيب ياناس )).. وراح للمبي بسيارته الكرسيدا بقس موديل 81 اللي مافيها مراتب ومسوي يتميلح فيها ومظللها بنفسجي .. واول ما وصلللمبي لقاه واقـف يحتريه فوقـف عنده وقاله يلا طـب .. قال اللمبي وش طـب لايكون تبي نروح بهالسياره اللي تسنها استراحة جيازنة .. قال سكنميني ليش وش فيها ؟؟.. قال اللمبي لا بس انا من رايي لو نروح كعابي احسن كود نوصل بسرعه .. قال سكنميني يارجال طـب هذي المبروكه وارثها من جدي السكنميني الاكبر .. قال اللمبي يارجال انطم طيب لو تحملت هالسياره اشلون بقدر اتحمل ريحتك هاللي تسنها ريحة اباط فيل !!.. قالسكنميني عـدال انت ووجهك اللي تسنه خروف محلق كابوريا
وانطلقوا وكان اللمبي طوال الطريق غاثسسكنميني بسواليفه واللي حس بعدها سكنميني ان صديقه قد ايش هـذره ودمه ثقيل لدرجة ان كان وده يفتح الباب ويذبه بالطريق .. بس تراجع باللحظة الاخيرة لانه ما عنده صديق غيره وخاف يصير فيه شي ويعيش بهالدنيا وحيد فاضطر يسمع سواليفه وقصصه اللي ما تنتهي واللي مليانه ببطولاته الزائفه اللي ما تنطلي على بزر صغير فكيف تنطلي عليه وهو السكنميني المشهود له بالذكاء الخارق .. ولكن ماله اي مفر من سماعه وما نفعت معه فكرته الجهنميه بادعاء انه نايم لانه كيف ينام وهو اللي يسوق !!.. خصوصاً ان اللمبي كان حريص في سواليفه بين وقت والثاني على ضرب كتف سكنميني عشان ينتبه لسواليفه لدرجة ان كتفه هـدده بالانتحار لو اخذه معه في طريق الرجعه (( ناوي يجحده ))..
ولما وصلوا قدموا ملفاتهم واخذوا موعد لامتحان القبول باتسر .. ويجي باتسر بعـد ما فرشوا السيارة وناموا فـيها وحضروا للامتحان اللي ضاع فيه سكنميني بالكوشة ووجهه صار طويل مثل الكوسة عشان ماحد جنبه قريب وينقش منه وصديق عمره اللمبي زلب له وراح جلس بعيد عنه .. فقرر سكنميني يعتمد على نفسه وبدا يتشهد وقال كل الادعية اللي يعرفها حتى دعاء السفر قاله وسم بالله وقال اللهم اني اعوذ بك من الخبث والخبائث .. ولما مسك ورقة الاسئله قالب فيها يمين يسار مايدري وش السالفة .. بس لما جات عينه على ورقة الاجابة ولقاها عبارة عن مجموعة دواير عشان يضللها انبسط وقال بخاطره بسيطة تايها ولقيناهاحقرة بقرة قالي عمي عد للعشرة ويعد للعشرة ويضلل واحيان يشكل ويقول عمي طش قالي عد من الواحد ليما احدعش كنوع من التغيير في الاجابة (( افرح يابور غطى عليك ))..
وسلموا الاوراق وعطوهم موعد العصر لاعلان النتيجه .. وطلع سكنميني من القاعة مبسوط وفاق خشته حاس انه اول مره يعتمد على نفسه ويحل من غير مايغش ويوم شاف اللمبي قال له هـاااه وش سويت ؟؟؟.. استغرب اللمبي وقال يعني زين .. قـال سكنميني زين ولا المستقبل .. قال اللمبي وراك مبسوط علمني وش سويت بالامتحان .. قال سكنميني تافه لو داري ان الامتحان بيكون سهل تسذا تسان كل يوم اقدم (( مآخذ بنفسه مقلب )).. تسان يروحون يتغدون ويرجعون العصر عشان يشوفون النتيجة وكانت النتيجة مفاجاة من العيار الثقيل وغير متوقعه وشكلت صدمة لسكنميني .. النتيجة7
7
7
7
8
8
8
مانجح لا هو ولا اللمبي
سكنميني:: افا ياااا عوكل ورا ماطلعتنا ناجحين بالموضوع
اللمبي :: يعني هذي آخرتها والله مالك امان يالمحشش
~oo زحفااااااااااان oo~
A /
سكنميني واللمبي يمثلون شريحة كبيرة من الطلبة اللي تخرجوا من الثانوية وماقدروا يحصلون على قبول في احد الجامعات وكليات هالبلد وماعندهم الاستعداد المادي للدراسة باحد المعاهد او السفر الى الخارج مع عدم توفر الوظائف هذه الايام .. وش راح يكون مصيرهم ؟؟؟
B /
كعادة صيفية دايم تطلع لنا الصحف بعميد لاحد الكليات او الجامعات يتفاخر بأن عدد الطلبة المتقدمين للكلية اكثر من 100 الف طالب ولكن حين تعلن اسماء المقبولين نجد انهم لايشكلون ربع العدد .. وين راحوا البقية ؟؟؟
C /
حدثني زميل وهو استاذ باحد الجامعات عن وجود بعض الطلبة لايعرفون اي شي عن اللغة الانجليزية ولا حتى حروفها وارقامها يعني ميح .. علم(ن) ان اختبارات القبول غالب(ن) ماتكون باللغة الانجليزية .. فحين سألته كيف تم قبولهم ؟؟.. قطب حاجبيه واسترسل راد(ن) على سؤالي وقال < واســطـــه >..
D /
بالسابق كان الطالب يسعى الى اقوى مجموع اما الان فانه يسعى الى اقوى واسطه ..
F /
عندك واسطه تحقق حلمك .. ماعندك الحس اذنك
<<< ماعدا اللي في بالي لانه من كبر اذانه يقدر يعفطها ويحطها تحت اباطه
عسى عجبكم الموضوع واللي ما اعجبه يطلع برا بعد ما يرد خخخخخخخخخخخخ
انا في انظار ردودكم
7
7
7
اخوووووووووووووووووووكم
:Dعــــــــــ:Dــــــــــو:D كـــــــــــــــــــــ:Dــــــــــــــــــــــــــ ــــــــل[/ALIGN]