[ALIGN=CENTER][TABLE="width:70%;"][CELL="filter:;"][ALIGN=center]ماهي ردة فعلك؟؟؟؟؟؟؟؟ارجو من الجميع المشاركة بلييييزز؟
(( مواقف لو حصلت لك......ماذا تفعل))


1-وأنت او انتي مع أهلك في السيارة تتمشون التفت على يمينك لقيت: راشد الماجد راكب وينيت ومحمل عمال ورى
ولتفت يسارك لقيت خالد عبد الرحمن راكب سيارة مكتوب فيها توصيل الطلبات وكان المطعم (النافورة)
وش راح تسوي تكلمهم ,تضحك عليهم,تفشلهم....الخ من ردة الفعل؟؟


2- وانت قايم من النوم الصبح نسيت تقفل الدريشة حقت غرفة نومك...وجاء الليل وتبي تنوم لقيت قطوة نايمة على فراشك ويوم شافتك هربت من الدريشة
المهم بكيفها تهرب لكن! لقيت في فراشك روث القطوة اللة يكرم السامعين..وش راح تسوي او تسوين؟؟


3-يوم من الأيام وقفت عليك الموية وكنت في الحمام تتسبح وما احد يسمعك وانت تقول: الموية خلصت الحقوني.. ولا في احد يرد عليك الكل لاهي ولا حتى يدرون ان الموية خلصت لان في حمام في صالتكم مشترك وهم ينتظرون خروجك من الحمام لكن هم لاهين في أنفسهم
وش راح تسوي؟؟؟!





4- (للأولاد) يوم من الأيام رن تليفون بيتكم ورديت وطلعت لك ذيك البنت اللي صوتها يذوّب لآخر درجة وقامت تآخذ وتعطي معك ....الخ المهم قبل ما تقفل السماعة قالت لك :انا احبك مووووووووت ووجهك حمّر ولا عرفت ترد وماقلت غير
وين اقدر اشوفك قالت لك تعرف الفيصلية قلت اية في احد ما يعرفها وقالت لك ابغى اواعدك في المكان الفلاني... المهم جاء الموعد قامت اشرت لك وانت تركض تبي تكلمها قامت من جهة ثانية اشرت لرجاجيل
وكانوا ها الرجاجيل من (الهيئــة) ..وقاموا طق فيك وانت تقول:آة..آخ..آة

وتصارخ وتقول مظلوم يا ناس انا ضحية..وقام واحد فزع معك وقال انا اشهد انة مظلوم وعلى كفالتي.. وطلعت من الشعرة على العجين.. وش راح تسوي بعدها سواء مع اللي وقف معك أو مع البنت اللعابــة؟؟!



5-( للبنات) يوم من الأيام قام جوالك يرن أو تليفون البيت وطلع رجال يقول: موجودة فلانة قلتي اية انا نعم..اي خدمة قال انا احبك حب ماله حدود...انتي بالنسبة لي الماء اللي اشربة والهواء اللي اتنفسة علشان كذا ابغى اتزوجك بس صوتة ما بيّن لك هو كبير ولا صغير
يعني ماعرفتي تميزين..قمتي قلتي اذا تبيني وشاريني اطلبني من أهلي وهو اصلا عارف بيتكم وينة فية ..لأنة مراقبك خطوة خطوة كلما يجي الباص حق الجامعة يجيك الى ان يوصلك الباص للبيت..وقالك ابي اجيك بكرة العصر الساعة 4 بس قلت لي ما احد يدري باللي دار بيننا قال حاضر يا القمر
المهم جاء الموعد وفتح ابوك الباب وطلع (رجال كبير في السن عمرة 47 سنة وله لحية لكن أنيق في لبسة موب زي الشايب اللي مايهتمون في لبسهم.. لا وغني كمان بس عيبة انة يشاخر في الليل..المهم قال انا جاي اطلب يد بنتكم فلانة وراح اسعدها سعادة ما تحلم فيها وكل اللي تتمناه احققة لها
واهم شىء فية سن أمامي مخلوعة في الفك العلوي..قام قال الأبو طيب بس نآخذ راي البنت..هل راح ترضين
تذكري غني اولا..وثانيا يشخر وثالثا مخلوعة سنة الأمامية؟؟




6- يوم من الأيام حبيت لكن حبيت شخــــصين في وقت واحد.. وش راح تسوي هل تكمل حبك .. ولا تتترك شخص على حساب شخص...او تخبر اللي تحبة مرة عن هذا الشىء وتشوف اذا يقدر ولا لأ.....ولا ايش راح تسوي
مع العلم أن هاذولي الشخصين تموت فيهم مـــــــــوت؟؟

*ختـــــــــــاما:

أتمنى ما أكون زهقتكم ولا طفشتكم..
ولا تنسون تردون على الأسئلة..
منقوووول [/ALIGN][/CELL][/TABLE][/ALIGN]
[ALIGN=CENTER]:rolleyes:[/ALIGN]